Rezultati i zgjedhjeve në Kosovë, ja fituesit dhe komunat që shkojnë në balotazh!

Ditën e djeshme qytetarët e Kosovës ju drejtuan kutive të votimit për të zgjedhur kryetarët e komunave.

Sipas rezultateve të bëra publike mëngjesin e kësaj të hëne, në 38 komunat e Kosovës, 21 prej tyre e përmbyllën garën për kryetarë komunash në raundin e parë, ndërsa 17 prej tyre shkuan në balotazh, ku asnjë prej kandidatëve nuk arriti që të merrte mbi 50% të votave dhe si rrjedhojë do të jetë raundi i dytë ai i cili do të përcaktojë fituesit.

Krahasuar me vitin 2021, këtë herë janë 5 komuna më pak në balotazh, ndërsa 21 komuna e mbyllën garën që në raundin e parë, 4 më shumë se në zgjedhjet e mëparshme.

Sipas KQZ, pjesëmarrja në votime ishte 39 për qind, nga 2.069.098 qytetarë me të drejtë vote, ndërsa rreth 44 mijë votues ishin nga diaspora.

Rezultatet në 21 komunat e Kosovës:

Në Ferizaj garën e ka fituar sërish Agim Aliu i Partisë Demokratike të Kosovë me mbi 56 % të votave, e përkthyer ndryshe me 27,720 Vota.

Gara ka përfunduar pa balotazh edhe në Lipjan, ku kandidati i Lidhjes Demokratike të Kosovës, Imri Ahmeti ka mundur që të fitojë me 15,029 Vota, ose e përkthyer në përqindje mbi 51% të votave.

Ndërkohë në Podujevë është Shpejtim Bulliqi i Lëvizjes Vetëvendosja ai që ka arritur të marrë mbi 83% të votave ose e përkthyer me vota 20,407 të tilla.

12,433 qytetarë i kanë dhënë fitoren në Skënderaj Sami Lushtaku të PDK-së i cili ka arritur që të marrë mbi 83 % të votave.

Kadri Rahimaj i Lëvizjes Vetëvendosja ka fituar në Kamenicë me mbi 50% të votave ose e përkthyer ndryshe me 7,389 Vota.

Istogun e ka fituar Ilir Ferati i LDK-së me 58 për qind të votave. Rreth 10 mijë qytetarë ditën e djeshme vedosën që të votojnë Feratin duke i besuar atij drejtimin e komunës së tyre.

Edhe në Shtimë ka fituar kandidati i Lëvizjes Vetëvendosje. Qemajl Aliu ka mundur që të sigurojë 6,934 Vota, ose e përkthyer në përqëindje mbi 50% të votave.

Malishevën e ka fituar Ekrem Kastrati i Nismës Socialdemokrate me mbi 53 %, 10,907 Vota.

Në Deçan ka fituar Bashkim Ramosaj i Aleancës për Ardhmërinë e Kosovës. Ai ka marrë mbi 51 %, ose ndryshe 7,866 vota.

Në Drenas, garën e ka fituar Ramiz Lladrovci nga partia Për Drenasin Kampion me Ramiz Lladrovcin me mbi 52%.

Hanin e Elezit e ka fituar Mehmet Ballazi i PDK-së me mbi 50 %, 2,527 Vota.

Në Mamushë ka fituar Abdulhadi Krasniç nga Partia Demokratike Turke e Kosovës (KDTP) me mbi 50 % të votave, 1,517 Vota.

Gara ka përfunduar edhe në katër komunat me shumicë serbe: Mitrovicë e Veriut, Zveçan, Leposaviq dhe Zubin Potok. Atje kanë fituar kandidatë të Listës Serbe, partisë më të madhe të serbëve në Kosovë.

Konkretisht në Mitrovicën e Veriut ka fituar Milamn Radojveviç me mbi 60% ose e përkthyer në vota 4,669.

Në Zveçan ka mundur që të fitojë Dragiša Milovi?me 3,416 Vota, pse e përkthyer në përqindje me 86.66%.

Edhe në Leposaviq ka mundur që të fitojë kandidati i partisë Srpska Lista. Zoran Todiç është votuar nga 2.384 qytetarë, duke siguruar kështu mbi 70% të votave.

Miloš Perovi? ka fituar në Zubin Potok me 2.873 vota ose mbi 70%. Lista Serbe ka fituar edhe në Novobërdë, Shtërpcë, Graçanicë, Ranillug dhe Partesh.

Ndërkohë në 17 komuna të tjera kandidatët shkuan në balotazh. Do të jetë raundi i dytë ai i cili do të përcaktojë kryetarët e këtyre komunave dhe pritet që të mbahet më 9 nëntor.

17 komunat që shkuan në balotazh:

Pas përfundimit të kutive të votimit në Prishtinë në fazën e dytë do të përballen Përparim Rama i Lidhjes Demokratike të Kosovës (LDK) me Hajrullah Çekun e Lëvizjes Vetëvendosje (LVV).

Rama mundi që të siguronte 34,752 Vota, ndërsa kundërshtari i tij 34,022 Vota. Ndonëse kandidati i Lidhjes Demokratike të Kosovës ka mundur që të marrë më tepër vota, ai nuk arriti që të siguronte mbi 50% të tyre, si rrjedhojë do të përballet në një fazë të dytë.

Rezultatet e KQZ:

Në Prizren, Shaqir Totaj i Partisë Demokratike të Kosovës (PDK) do të garojë me Artan Abrashin e LVV-së.

Në Pejë, Gazmend Muhaxheri i LDK-së do të përballet me Taulant Kelmendin e LVV-së.

Në Junik do të përballen Ruzhdi Shehu i LDK-së me Agron Kuçin e AAK-së.

Në Dragash, përballja do të jetë mes Bexhet Xheladinit të LDK-së dhe Shaban Shabanit të PDK-së.

Në Gjakovë pritet të përballet Ardian Gjini i AAK-së me Ardian Golën e LVV-së.

Në Kaçanik do të përballen Sabedin Vishi i PDK-së me Jeton Rakën e LVV-së.

Në Fushë Kosovë do të ketë garë mes Valon Prebrezës së LVV-së dhe Besnik Osmanit të LDK-së.

Në Mitrovicën e Jugut, gara do të zhvillohet mes Arian Tahirit të PDK-së dhe Faton Pecit të LVV-së.

Në Rahovec do të përballen Smajl Latifi i AAK-së me Ali Dulën e LVV-së.

Në Suharekë, gara do të zhvillohet mes Bali Muharremajt të AAK-së dhe Ardian Shalës së LDK-së.

Në Gjilan do të përballen Alban Hyseni i LVV-së me Arbër Ismajlin e LDK-së.

Në Viti do të ketë garë mes Sokol Halitit të LDK-së dhe Arsim Ademit të LVV-së.

Në Vushtrri, përballja do të jetë mes Ferit Idrizit të PDK-së dhe Sylejman Mehollit të LVV-së.

Në Obiliq do të përballen Xhafer Gashi i LDK-së me Halil Thaçin e LVV-së.

Në Klinë, përballja do të jetë mes Zenun Elezajt të AAK-së dhe Sokol Bashotës së PDK-së.

Në Kllokot do të përballen Bozhidar Dejanoviq nga Lista Serbe me Sreqko Spasiqin nga Uniteti Kombëtar Serb.

Çfarë thoshin sondazhet?

Menjëherë pas përfundimit të procesit të votimi, exit-pollet paralajmëruan dhe rezultatin në disa komuna të Kosovës.

Ajo që u vu re është fakti se në 3 exit poll-e e zhvilluara, rezultuan pothuajse të njëjta shifra duke nxjerrë fitues të njëjtin kandidat për komunën përkatëse. Diferencat janë të vogla në përqindjen e votave që parashihet të marrë çdo kandidat, ndërsa për disa prej tyre nuk përjashtohet përballja në balotazh.

Rezultatet sipas exit poll-it të parë në disa komuna:

Prishtinë: Përparim Rama (LDK), 37,7%. Hajrullah Çeku (LVV) 30,00%. Urain Ismaili (PDK) 26.03%.

Mitrovicë (fitore pa balotazh): Arian Tahiri (PDK) 58,30%. Faton Peci (LVV) 35,06%

Podujevë: Shepjtim Bulliqi (LVV) 47,07%. Ekrem Hyseni (LDK) 38,09%.

Drenas: Ramiz Lladrovci (PDKRLL) 48,06%. Petrit Hajdari (PDK) 45,03%.

Suharekë: Bali Muharremaj (AAK) 44,05%. Ardian Shala (LDK) 30,06%.

Lipjan (fitore pa balotazh): Imri Ahmeti (LDK) 52,00%. Shukri Buja (PDK) 32,01%.

Sipas këtyre të dhënave, edhe në Pejë, Gjakovë, Gjilan e Prizren do të ketë balotazh.

Balotazh, sipas këtij exit poll-i, nuk do të ketë as në Ferizaj, ku fiton bindshëm Agim Aliu i PDK-së, dhe as në Istog, ku fitoren në rundin e parë e siguron edhe Ilir Ferati.

Rezultatet sipas exit poll-it të dytë në disa komuna:

Prishtinë: Përparim Rama (LDK), 35,82%. Hajrullah Çeku (LVV) 31,57%. Urain Ismaili (PDK) 26,05%

Mitrovicë (fitore pa balotazh): Arian Tahiri (PDK) 51,12%. Faton Peci (LVV) 41,23%.

Prizren: Shaqir Totaj (PDK) 46,14%. Artan Abrashi (LVV) 30,47%.

Pejë: Gazmend Muhaxheri (LDK) 47,52%. Tauland Kelmendi (LVV) 28,27%.

Ferizaj (fitore pa balotazh): Agim Aliu (PDK) 55,38%. Enver Haliti (LVV) 30,97%.

Gjakovë (fitore pa balotazh) Ardian Gjini (AAK) 50,67%. Ardian Gola (LVV) 25,21%.

Gjilan: Alban Hyseni (LVV) 48,5%. Arbër Ismaili (LDK) 32,05%.

Rezultatet sipas exit poll-it të tretë në disa komuna:

Prishtinë: Përparim Rama (LDK) 34,03%. Hajrulla Çeku (LVV) 32,01%. Uran Ismaili (PDK) 28,09%.

Prizren: Shaqir Totaj (PDK) 43,03%. Artan Abrashi (LVV) 30,04%.

Pejë: Gazmend Muhaxheri 46,04%. Taulant Kelmendi (LVV) 27,00%.

Podujevë (fitore pa balotazh): Shpejtim Bulliqi (LVV) 51,06%. Ekrem Hyseni (LDK) 37,08%.

Mitrovicë (fitore pa balotazh): Arian Tahiri (LVV) 55,09%. Faton Peci (LVV) 39,07%.

Istog (fitore pa balotazh): Ilir Ferati (LDK) 64,06%. Ali Nimanaj (PDK) 19,06%.

Ferizaj (fitore pa balotazh): Agim Aliu (PDK) 62,02%. Enver Haliti (LVV) 21,04%.

Suharekë: Bali Muharremaj (AAK) 45,07%. Ardian Shala (LDK) 30,02%.

Gjakovë: Ardian Gjini (AAK) 47,02%. Ardian Gola (LVV) 21,03%.

Lipjan: Imri Ahmeti (LDK) 48,08%. Shukri Buja (PDK) 36,00%.

Gjilan: Alban Hyseni (LVV) 48,01%. Arbër Ismaili (LDK) 36,01%.

Fushë Kosovë: Valor Perbreza (LVV) 39,07%. Besnik Osmani (LDK) 37,09%.

22:11 Lipjan: Imri Ahmeti i LDK-së drejt një mandati të tretë, në epërsi me mbi 50% të votave

Sipas të dhënave të fundit të Komisionit Qendror të Zgjedhjeve (KQZ), në Komunën e Lipjanit po prin bindshëm Imri Ahmeti nga Lidhja Demokratike e Kosovës (LDK), duke u pozicionuar për ta siguruar edhe një mandat të ri në krye të komunës.

Deri në orën 21:44, janë numëruar 60 vendvotime nga gjithsej 88, ndërsa nga 66,348 votues të regjistruar, janë përpunuar rreth 19,000 vota.

Rezultatet e deritanishme tregojnë këtë renditje:

Imri Ahmeti (LDK) – 50.11%, përkatësisht 9,521 vota;

Shukri Buja (PDK) – 30.55%, apo 5,804 vota;

Ilir Qeriqi (Lëvizja Vetëvendosje) – 17.04%, që përbën 3,367 vota.

Procesi i numërimit të votave po vazhdon, por diferenca e dukshme në rezultatet paraprake e vendos Imri Ahmetin në pozitë të favorshme për ta siguruar mandatin e tretë në drejtimin e komunës së Lipjanit.

22:10 Abdixhiku: LDK ka fituar, prin dhe është në garë në 12 komuna

Kryetari i Lidhjes Demokratike të Kosovës (LDK), Lumir Abdixhiku, ka deklaruar se 12 tetori është një ditë fitoreje për LDK-në, duke theksuar se partia që ai udhëheq ka fituar, prin ose është ende në garë në 12 komuna të vendit.

Në një prononcim pas mbylljes së votimit, Abdixhiku u shpreh se rezultatet e deritanishme dëshmojnë për rritjen dhe konsolidimin e LDK-së në nivel lokal, duke e cilësuar këtë si një kthesë pozitive për partinë.

“LDK ka fituar, prin dhe është në garë në 12 komuna. Kjo është dëshmi e qartë se qytetarët kanë besuar në seriozitetin dhe ofertën tonë qeverisëse,” – tha Abdixhiku, duke falënderuar strukturat e partisë dhe votuesit për mbështetjen e treguar.

Ai shtoi se procesi zgjedhor është zhvilluar në mënyrë të qetë dhe demokratike, ndërsa ftoi Komisionin Qendror të Zgjedhjeve të vazhdojë me numërimin dhe publikimin transparent të rezultateve.

22:08 Lipjan: Imri Ahmeti i LDK-së drejt mandatit të radhës me mbi 50% të votave

Qytetarët e Lipjanit po i qëndrojnë besnikë Imri Ahmetit nga Lidhja Demokratike e Kosovës (LDK), i cili aktualisht po prin bindshëm në zgjedhjet lokale të 12 tetorit.

Sipas të dhënave të Komisionit Qendror të Zgjedhjeve (KQZ), deri në orën 21:44 janë numëruar 60 vendvotime nga gjithsej 88, ndërsa nga 66,348 vota të regjistruara, janë përpunuar 19,000 vota.

Rezultatet e deritanishme tregojnë se:

Imri Ahmeti (LDK) kryeson me 50.11%, që përkthehet në 9,521 vota.

Shukri Buja (PDK) renditet i dyti me 30.55%, apo 5,804 vota.

Ilir Qeriqi (Lëvizja Vetëvendosje) mban vendin e tretë me 17.04%, apo 3,367 vota.

Procesi i numërimit të votave në Lipjan po vazhdon, por diferenca aktuale e vendos Imri Ahmetin në një pozitë të favorshme për ta siguruar edhe një mandat të ri në krye të komunës.

22:07 Drenas: Ramiz Lladrovci në epërsi të qartë me mbi 53% të votave

Sipas të dhënave të fundit të publikuara nga Komisioni Qendror i Zgjedhjeve (KQZ), deri më tani janë numëruar 27.40% e kutive të votimit në Komunën e Drenasit.

Rezultatet paraprake tregojnë një epërsi të dukshme për Ramiz Lladrovcin, i cili aktualisht udhëheq me 53.44% të votave, që përkthehen në 3,431 vota.

Në vendin e dytë renditet Petrit Hajdari nga Partia Demokratike e Kosovës (PDK) me 38.18%, apo 2,451 vota, ndërsa Egzona Tërdevci nga Lëvizja Vetëvendosje mban vendin e tretë me 3.33%, që i korrespondojnë 214 votave.

Procesi i numërimit po vazhdon, por avantazhi i Lladrovcit deri më tani është i qartë dhe e pozicionon atë si favorit për të siguruar një mandat tjetër në krye të Drenasit.

22:06 Skënderaj: Sami Lushtaku i PDK-së në epërsi të bindshme me mbi 10 mijë vota

Sipas të dhënave të fundit nga Komisioni Qendror i Zgjedhjeve (KQZ), në Komunën e Skënderajt po udhëheq bindshëm Sami Lushtaku nga Partia Demokratike e Kosovës (PDK).

Pas procesimit të 82.75% të vendvotimeve, Lushtaku ka siguruar 10,752 vota, duke ruajtur një avantazh të madh ndaj kundërshtarëve politikë.

Në vendin e dytë renditet Hysni Mehani nga Lëvizja Vetëvendosje, me 1,289 vota, ndërsa Sokol Halili nga Iniciativa Qytetare për Skënderajn është i treti me 926 vota.

Rezultatet tregojnë një diferencë të thellë mes kandidatit të PDK-së dhe rivalëve të tij, ndërsa numërimi i mbetur pritet të konfirmojë fitoren e mundshme të Lushtakut në këtë komunë bastion të partisë.

22:05 Rahovec: Smajl Latifi i AAK-së në epërsi me mbi 40% të votave

Në zgjedhjet lokale të 12 tetorit, në Komunën e Rahovecit aktualisht po prin Smajl Latifi nga Aleanca për Ardhmërinë e Kosovës (AAK).

Sipas të dhënave të Komisionit Qendror të Zgjedhjeve (KQZ), Latifi ka marrë 40.17% të votave, që përkthehen në 6,434 vota.

Në vendin e dytë renditet Ali Dula nga Lëvizja Vetëvendosje, me 22.68% ose 3,677 vota, ndërsa shumë afër tij, në vendin e tretë, është Burim Krasniqi i Lidhjes Demokratike të Kosovës (LDK) me 22.57%, apo 3,659 vota.

Deri në orën 21:54, janë numëruar 60 vendvotime nga gjithsej 77, që përfaqësojnë 16,212 vota të vlefshme nga 59,573 qytetarë me të drejtë vote në këtë komunë.

Procesi i numërimit po vazhdon, dhe rezultatet përfundimtare pritet të publikohen nga KQZ-ja në orët në vijim.

22:04 Fushë Kosovë: Valon Prebreza i Vetëvendosjes në krye pas numërimit të mbi 60% të kutive

Sipas të dhënave të fundit nga Komisioni Qendror i Zgjedhjeve (KQZ), janë numëruar më shumë se 60% e kutive të votimit në Komunën e Fushë Kosovës.

Në krye të garës ndodhet Valon Prebreza nga Lëvizja Vetëvendosje, i cili aktualisht prin me avantazh ndaj kundërshtarëve.

Në vendin e dytë renditet Besnik Osmani nga Lidhja Demokratike e Kosovës (LDK), ndërsa Rrahim Tërnava i Partisë Demokratike të Kosovës (PDK) mban vendin e tretë.

Numërimi i votave po vazhdon, ndërsa rezultatet përfundimtare pritet të publikohen nga KQZ-ja pas përpunimit të plotë të të gjitha kutive të votimit.

21:58 Suharekë: Bali Muharremaj në epërsi sipas rezultateve të para të KQZ-së

Sipas të dhënave preliminare të Komisionit Qendror të Zgjedhjeve (KQZ), në Komunën e Suharekës aktualisht po prin Bali Muharremaj nga Aleanca për Ardhmërinë e Kosovës (AAK), ndërsa pas tij renditet Ardian Shala nga Lidhja Demokratike e Kosovës (LDK).

Në fshatin e tij të lindjes, Gjinoc, Muharremaj ka marrë 63.9% të votave, duke siguruar mbështetje të gjerë nga banorët e zonës.

Nga ana tjetër, Ardian Shala, në fshatin e tij Mushtisht, ka dalë i pari me 47.12% të votave, përballë Muharremajt, i cili ka marrë 36.14% në atë vendvotim.

Procesi i numërimit të votave në Suharekë është ende në vazhdim, dhe rezultatet përfundimtare pritet të konfirmohen nga KQZ-ja në orët e ardhshme.

21:56 Vushtrria

Pas numërimit të më shumë se 50% të votave, Ferit Idrizi nga Partia Demokratike e Kosovës (PDK) po udhëheq garën për kryetar të Komunës së Vushtrrisë.

Në vendin e dytë renditet Sylejman Meholli nga Lëvizja Vetëvendosje, i cili ka arritur 29.42% të votave, ndërsa i treti është Xhafer Tahiri i Lidhjes Demokratike të Kosovës (LDK).

Numërimi i votave është ende në proces, ndërsa rezultatet përfundimtare pritet të publikohen nga Komisioni Qendror i Zgjedhjeve në orët në vijim.

21:50 Prishtina

Komisioni Qendror i Zgjedhjeve ka numëruar 70 kuti votimi nga 268 në Prishtinë.

Deri më ttanipo prin kandidati i LDK-së, Përparim Rama, me 34.08 për qind të votave, i pasuar nga Hajrulla Çeku i VV-së me 32.91 për qind.

Në vendin e tretë është Uran Ismaili i PDK-së me 27,.49 për qind apo 6 mijë e 529 vota, ndërsa i katërti renditet Bekë Berisha i AAK-së me 759 vota apo 3.2 për qind.

21:49 – Mitrovica

Komisioni Qendror i Zgjedhjeve po publikon rezultatet e para nga gara në Mitrovicë të Veriut që duket se do të ketë balotazh.

Nga 9.09% e kutive të numëruara deri më tani në Mitrovicë të Veriut po prin Millan Radojeviq me 40.16 për qind të apo 102 vota.

Në vendin e dytë është kryetari aktual, Erden Atiqi, me 33.86 për qind apo 86 vota.

Në vendin e tretë është Flutura Hamza Azemi nga PDK-ja me 15.75 për qind apo 40 vota.

21:39 Obiliq

Komisioni Qendror i Zgjedhjeve ka numëruar 60.61 për qind të kutive të votave në komunën e Obiliqit.

Në vendin e parë deri më tani nga 20 kuti të numëruara është Xhafer Gashi i LDK-së me 47.21 për qind apo 3 mijë e 321 vota.

I dyti renditet Halil Thaçi i Lëvizjes Vetëvendosje me 41.61 për qind apo 2 mijë e 927 vota.

Ndërsa i treti renditet Goran Dançetoviqi i Listës Serbe me 417 vota apo 5.93 për qind.

20:44 Rezultatet preliminare të pjesëmarrjes në zgjedhjet komunale në Kosovë

Sipas të dhënave të para të publikuara nga Komisioni Qendror i Zgjedhjeve (KQZ), deri në orën 19:00 të ditës së sotme kanë votuar 791 mijë e 123 qytetarë, që përfaqësojnë 39.07% të 2 milionë e 25 mijë e 105 votuesve me të drejtë vote. Të dhënat janë bazuar në raportimet nga 95% e vendvotimeve në të gjithë vendin.

Kryetari i KQZ-së, Kreshnik Radoniqi, në konferencën për media të mbajtur në orën 19:30, njoftoi se procesi i votimit ka përfunduar në orën 19:00 dhe se në shumicën e vendvotimeve ka nisur tashmë numërimi i fletëvotimeve. Ai theksoi se dita e zgjedhjeve është zhvilluar qetësisht dhe në përputhje me kërkesat ligjore, pa incidente që do të mund të cenonin integritetin apo besueshmërinë e procesit.

Radoniqi theksoi se numërimi i votave do të zhvillohet në dy faza: fillimisht do të numërohen votat për kandidatët për kryetarë komunash, ndërsa më pas do të vazhdohet me numërimin e votave për subjektet politike që garuan për Kuvendet Komunale.

Kreu i KQZ-së u bëri thirrje anëtarëve të këshillave të vendvotimeve që të veprojnë me profesionalizëm, paanshmëri dhe respektim të plotë të ligjit, në mënyrë që vullneti i qytetarëve të garantohet dhe të mbrohet.

Ai gjithashtu kujtoi se nga ora 19:00 ka filluar afati 48-orësh për paraqitjen e ankesave në Panelin Zgjedhor për Ankesa dhe Parashtresa (PZAP), që lidhen me procesin e votimit të sotëm.

KQZ pritet të publikojë rezultatet e para të numërimit sapo të përfundojë faza e parë e verifikimit dhe përmbledhjes së votave në komunat përkatëse.