Në sallën e gjyqit që po zhvillohet sot në kuadër të dosjes “Plumbi i Artë” ka patur përplasje mes dy të penduarve të drejtësisë, Erion Alibej dhe Nuredin Dumani.

Shkak është bërë momenti kur Alibej po përmendte Dashnor Dumanin si të përfshirë tek masakra e Bradasheshit, ku u vra vëllai i tij Endrit Alibej, daja dhe një shtetas turk.

Teksa Erjon Alibej po fliste për ngjarjen, vrasësi me pagesë Nuredin Dumani u ngrit në këmbë duke iu drejtuar me fjalët, ‘ky është mashtrim, mos e përmend më’.

Alibej tha se Nuredin Dumani e kishte mohuar përfshirjen e Dashnor Dumanit në këtë krim, duke qenë se e kishte vëlla dhe prandaj nuk kishte qenë i sinqertë.

“Ky është mashtrim zonja gjyqtare, mos e bëj atë gabim mos e permend më”, ka ngulmuar sërish Dumani, ndërsa trupi gjykues ka vendosur që të nxirret jashtë sallës së gjyqit.