Autoritetet në Selanik kanë arrestuar një emigrant 36-vjeçar nga Gjeorgjia, pas akuzave se ai ngacmoi seksualisht katër djem të mitur, të moshës 9 dhe 11 vjeç, ndërsa ata po luanin në një shkollë fillore në Neapoli.

Incidenti raportohet se ndodhi mbrëmjen e së dielës, më 21 shtator ndërsa të vegjlit po luanin në një shkollë fillore në Neapoli, raporton noa.al.

Sipas dëshmive, i akuzuari jo vetëm që i ngacmonte fëmijët, por i përndiqte edhe jashtë ambienteve të shkollës.

Ai pranoi se kishte konsumuar alkool, por mohon akuzat për ngacmim seksual, madje kërkoi që të ekzaminoheshin pamjet filmike nga kamerat e sigurisë në zonë.

Policia e arrestoi dhe kundër tij u ngritën akuza penale për sulm seksual dhe kërcënime.

Çështja iu paraqit Gjykatës Penale me Një Anëtar të Selanikut, por gjyqi u shty për shkak të mungesës së dëshmitarëve të akuzës.

Gjykata vendosi të vazhdojë paraburgimin e tij deri në gjyq. Nga ana e tij, 36-vjeçari pretendoi se i është nënshtruar dhunës nga prindërit e të miturve dhe, nëpërmjet avokatëve të tij, deklaroi se do të ushtrojë të drejtat e tij ligjore. /noa.al