Ndalim në Fier për mashtrim online – Finalizohet operacioni “XUEX”

Drejtoria e Hetimit të Krimit Kibernetik, në bashkëpunim me Drejtorinë e Policisë Fier dhe me mbështetjen e Prokurorisë së Fierit, ka finalizuar operacionin policor të koduar “XUEX”.

Në kuadër të këtij operacioni është ndaluar shtetasi Ereledio Shebeku, 35 vjeç, i dyshuar si organizatori kryesor i skemave mashtruese piramidale online për zonën e Divjakës.

Policia e Shtetit thekson se ky operacion tregon vendosmërinë e strukturave të specializuara për të goditur aktivitetet kriminale në fushën online, me synim mbrojtjen e qytetarëve dhe të sigurisë publike.

Po ashtu, Drejtoria e Hetimit të Krimit Kibernetik u bën thirrje qytetarëve të tregojnë kujdes dhe të mos bien pre e platformave mashtruese, si dhe të mos ndajnë të dhëna personale apo bankare në faqe dhe aplikacione të pasigurta.

Çdo rast i dyshimtë mund të raportohet pranë strukturave të specializuara të Policisë së Shtetit, si edhe pranë seksioneve përkatëse në çdo DVP.