Peqin – Operacioni policor “Syri i natës” çon në pranga 5 shtetas, procedohet 1 dhe shpallet në kërkim 1 tjetër

Policia e Peqinit, në bashkëpunim me Forcën e Posaçme Operacionale të DVP Elbasan dhe nën drejtimin e Prokurorisë pranë Gjykatës së Shkallës së Parë të Juridiksionit të Përgjithshëm Elbasan, ka finalizuar me sukses operacionin e koduar “Syri i natës”, pas një hetimi disa-javor me metoda proaktive.

Rezultatet kryesore të operacionit

U asgjësuan 112 bimë narkotike, të kultivuara në vendin e quajtur “Zabeli i Akaciave”, fshati Karinë.

U sekuestruan armë dhe municione, përfshirë:

1 armë zjarri tip kallashnikov,

2 pistoleta,

1 armë gjahu,

municion luftarak,

kapsolla detonatore me fitil zjarrpërcjellës,

thika dhe një targë automjeti.

Të arrestuarit në flagrancë

Qemal Kaseja 67 vjeç dhe Qazim Kaseja, 24 vjeç (babë e bir) banues në fshatin Karinë,

Erges Juba, 37 vjeç, banues në Peqin,

Altin Haskasa dhe Ali Haskasa 31 dhe Altin Haskasa 59 vjeç (babë e bir), banues në fshatin Garunjë e Vogël.

Të tjerë persona nën hetim

E. K., 32 vjeç – ndaj tij nisi procedimi penal,

A. J. – u shpall në kërkim.

Gjatë kontrolleve në banesat e tyre, përveç armëve dhe lëndëve të dyshuara narkotike, u gjetën dhe mjete të tjera të paligjshme që u sekuestruan si prova materiale.

Akuzat ligjore

Materialet procedurale iu referuan Prokurorisë për veprime të mëtejshme në ngarkim të të arrestuarve dhe të proceduarve, për veprat penale:

“Prodhimi dhe shitja e narkotikëve”,

“Kultivimi i bimëve narkotike”,

“Mbajtja pa leje dhe prodhimi i armëve, armëve shpërthyese dhe municionit”,

“Prodhimi dhe mbajtja pa leje e armëve të gjuetisë”,

“Prodhimi, mbajtja, blerja apo shitja pa leje e armëve të ftohta”.

Hetimi vijon

Policia bën me dije se puna hetimore për dokumentimin e plotë të kësaj veprimtarie kriminale vijon, me qëllim kapjen e shtetasve në kërkim dhe identifikimin e personave të tjerë të përfshirë. /noa.al