Miq të yjeve, java e re nga 15 deri më 21 shtator 2025 sjell energji të përziera: disa shenja do të ndriçohen nga ndikime pozitive, duke përjetuar dashuri, harmoni dhe suksese, ndërsa të tjerat do të testohen me vonesa, tensione apo pasiguri që duhen menaxhuar me kujdes.

Qielli lëviz, planetët flasin dhe na japin mesazhe të rëndësishme.

Ja parashikimet e plota, shenjë pas shenje.

♈ Dashi (21 mars – 20 prill)

Kjo javë ju fton të mos kini frikë të rrezikoni. Hëna ndez dëshirat dhe ju bën më tërheqës në dashuri, sidomos nga e marta. Beqarët mund të bëjnë një takim interesant, ndërsa çiftet gjejnë gjuhën e përbashkët me më shumë lehtësi. Në punë mund të ketë vonesa apo plane që duhen rishikuar, por mos e humbni besimin: këto janë prova që forcojnë vendosmërinë tuaj. Energjia fizike është e lartë, por kujdesi ndaj pushimit mbetet i domosdoshëm. Ditët 18 dhe 19 sjellin emocione të bukura dhe shpërblime për përpjekjet e bëra.

—

♉ Demi (21 prill – 20 maj)

Java sjell stabilitet dhe ëmbëlsi. Në dashuri keni nevojë të jeni afër atyre që doni, duke krijuar momente të ngrohta dhe të sinqerta. Në punë, ditët qendrore janë më të favorshmet: një projekt i nisur më herët merr tani konfirmime solide. Kujdes me kokëfortësinë, mësoni të lini gjërat të rrjedhin. Shëndeti kërkon vëmendje, sidomos tek gjumi dhe lodhja fizike. Fundjava ju sjell qetësi familjare dhe një atmosferë pozitive që ngroh zemrën.

—

♊ Binjakët (21 maj – 21 qershor)

Pas disa ditësh konfuzion, java ju rikthen energjinë dhe komunikimin tuaj të gjallë. Nga e mërkura, bëheni më të lehtë, më të hapur dhe karizmatikë. Beqarët kanë gjasa të marrin mesazhe apo të bëjnë takime që sjellin emocione të reja. Në punë duhet të shmangni shpërqendrimet nga shumë angazhime, fokusi mbi një objektiv të vetëm do sjellë rezultatet më të mira. Fundjava është pozitive dhe sjell humor të mirë. Qielli ju do më të çlirët, më ironikë dhe të aftë të jetoni të tashmen.

—

♋ Gaforrja (22 qershor – 22 korrik)

Ndiheni pak nostalgjikë, por edhe të gatshëm për ndryshime. Në dashuri, ndjenjat thellohen dhe mund të ndjeni nevojën për të shprehur qartë atë që keni në zemër. Çiftet bëhen më të bashkuara, ndërsa beqarët kanë mundësi të hapen ndaj njohjeve të reja. Në punë, tensione të vogla sidomos të mërkurën dhe të enjten, por ndjeshmëria juaj do t’ju ndihmojë t’i menaxhoni. Fundjava me Hënën në shenjë sjell emocione të forta në familje dhe marrëdhënie të ngushta. Intuita është busulla juaj.

—

♌ Luani (23 korrik – 22 gusht)

Java ju dhuron forcë, karizëm dhe siguri. Në dashuri jeni të papërmbajtshëm: beqarët kanë mundësi për njohje të reja, ndërsa çiftet përjetojnë pasion të madh. Në punë është koha të bëni hapa të guximshëm: idetë tuaja mund të sjellin rezultate konkrete deri të premten. Kujdes me krenarinë: një fjalë e ëmbël hap më shumë dyer se një qëndrim imponues. Fundjava ju shndërron në qendër të vëmendjes, me miq, festa dhe kënaqësi të vogla që rrisin vetëbesimin tuaj.

—

♍ Virgjëresha (23 gusht – 22 shtator)

Java nis me presion dhe tensione në punë, ku disa projekte duken të ngadalta. Mos kini frikë të rishikoni strategjitë, sepse rezultatet e mëdha do të vijnë në fund të muajit. Në dashuri, nga e enjtja atmosfera bëhet më e ëmbël dhe sjell surpriza të këndshme. Shëndeti kërkon pak qetësi: meditimi dhe pushimet e vogla do ju ndihmojnë të rifitoni ekuilibrin. Fundjava sjell qetësi dhe gëzim nga gjërat e vogla të përditshme.

—

♎ Peshorja (23 shtator – 22 tetor)

Ndiheni më të lehtësuar dhe në harmoni me veten. Në dashuri, beqarët mund të përjetojnë një takim të fortë, ndërsa çiftet rifitojnë intesën dhe qetësinë. Në punë, një mundësi e re shfaqet rreth së enjtes, duke ju dhënë arsye për të buzëqeshur. Energjitë janë të mira, por shmangni lodhjen e tepërt. E shtuna është ditë e veçantë dhe premton një fundjavë të mbushur me harmoni e qetësi. Java është ftesë për të besuar më shumë tek ëndrrat tuaja.

—

♏ Akrepi (23 tetor – 22 nëntor)

Java nuk është e lehtë: të mërkurën dhe të enjten mund të lindin tensione në dashuri apo familje. Përpiquni të mos e ngrini shumë zërin: ndonjëherë heshtja është arma më e fortë. Në punë, përkundrazi, intuicioni ju ndihmon të jeni një hap përpara të tjerëve. Kujdes me stresin dhe lodhjen që mund të peshojnë mbi trupin. Fundjava sjell energji të re: një gjest apo një takim i papritur do ju japë shpresë. Një javë e fortë, por ju e keni forcën për ta përballuar.

—

♐ Shigjetari (23 nëntor – 21 dhjetor)

Java ju jep lehtësi dhe dëshirë për eksplorim. Ditët më të mira janë e marta dhe e premtja, me lajme të mira apo propozime të vlefshme në punë. Dashuria ndizet: beqarët përjetojnë pasion, ndërsa çiftet afrohen më shumë përmes dialogut. Yjet ju shtyjnë drejt udhëtimeve dhe hapjes së horizonteve të reja. Fundjava është e gëzueshme, me miq dhe aktivitete që ju rrisin energjinë. Një javë ku optimizmi dhe zgjuarsia juaj bëhen armët fituese.

—

♑ Bricjapi (22 dhjetor – 20 janar)

Java kërkon pragmatizëm dhe përkushtim. Në punë jeni të thirrur të tregoni seriozitet dhe durim, projektet afatgjata janë në qendër. Në dashuri, është koha e sqarimeve: bisedat sjellin harmoni të reja, sidomos nga e enjtja. Fillimi i javës është pak i rënduar, por fundjava sjell qetësi dhe pushim. Ju dini si të arrini majën hap pas hapi, dhe kjo javë është pjesë e rrugës suaj të suksesshme.

—

♒ Ujori (21 janar – 19 shkurt)

Java sjell befasi dhe kthesa të papritura. Në dashuri, beqarët mund të bien në dashuri pa e menduar, ndërsa çiftet zbulojnë dimensione të reja tek partneri. Në punë, mos merrni vendime të nxituara, sidomos të martën dhe të mërkurën. Nga e premtja gjërat bëhen më të qarta. Kujdes me stresin dhe nervozizmin. Fundjava sjell dëshirë për shoqëri dhe përvoja të reja. Një javë e dyfishtë, por me mundësi të mëdha nëse ruani qetësinë.

—

♓ Peshqit (20 shkurt – 20 mars)

Java ju dhuron ëndrra dhe intuitë të fortë. Në dashuri, çiftet gjejnë momente romantike, ndërsa beqarët mund të njohin dikë me ndikim të madh emocional. Në punë ka pak konfuzion në fillim të javës, por përgjigjet që prisni vijnë drejt fundit. Shëndeti përmirësohet, ndërsa e diela është ditë magjike: dëgjoni ëndrrat, sepse përmbajnë mesazhe të vlefshme. Një javë e ëmbël dhe shpirtërore, ku zemra është busulla juaj kryesore. /noa.al