Shkodër, 9 Shtator 2025 – Autoritetet e policisë kanë finalizuar një operacion në lidhje me ngjarjen e rëndë që ndodhi ditën e djeshme në një lokal në lagjen “Qemal Stafa”, ku dy persona humbën jetën dhe dy të tjerë u plagosën.

Në vijim të hetimeve, shtetasi Ragip Gila, 28 vjeç, banues në Shkodër, u arrestua në flagrancë për veprat penale:

“Vrasja në rrethana të tjera cilësuese”

“Vjedhja me armë”

“Shkatërrimi i pronës”

“Mbajtja pa leje dhe prodhimi i armëve, armëve shpërthyese dhe municionit”

“Vjedhja”

Gjatë arrestimit, policia i sekuestruar 2 armë zjarri (1 automatik dhe 1 pistoletë), një skafandër, maskë, jelek antiplumb, një shishe me lëndë djegëse, automjetin e përdorur për largimin nga vendi i ngjarjes, si dhe një motomjet pa targa dhe pa numër shasie.

Në kuadër të hetimeve, janë shpallur në kërkim Barush Bregu, alias Bajram Bregu, 39 vjeç, dhe një 17-vjeçar, për veprat penale:

“Sigurimi i kushteve dhe mjeteve materiale për të kryer vrasje”

“Mbajtja pa leje dhe prodhimi i armëve, armëve shpërthyese dhe municionit”

“Vjedhja”

Gjatë kontrollit të një banese në lagjen “Guerrile”, e përdorur nga dy të shpallurit në kërkim si bazë për aktivitetet kriminale, policia sekuestruar:

1 armë automatike dhe 6 pistoleta

Municion luftarak dhe 45 kapsolla detonatore

Një automjet “Audi” me targa të vjedhura

5 dronë të ndryshëm dhe pajisje për dronë

1 laptop dhe 5 aparate fotografike

Operacioni u realizua nga Sektori për Hetimin e Krimeve të Rënda të DVP Shkodër, në bashkëpunim me Forcën e Posaçme “Shqiponja” dhe Patrullën e Përgjithshme, nën drejtimin e Prokurorisë pranë Gjykatës së Shkallës së Parë Shkodër.

Hetimet dhe operacionet për kapjen e dy shtetasve të shpallur në kërkim dhe për dokumentimin e veprimtarive kriminale të tyre vijojnë. Materialet procedurale i janë referuar Prokurorisë së Shkodrës për veprime të mëtejshme.