Drama mes Feros dhe ish-partneres së tij, Arbenitës, ka marrë përmasa alarmante. Konflikti shpërtheu kur një ndjekëse anonime i shkruajti Arbenitës se është vajza biologjike e babait të reperit — domethënë, motra e Feros — çka nxiti komentet e forta të saj. Ajo reagoi duke shkruar:

“Si babai, ashtu edhe i biri. Fatkeqësisht disa njerëz nuk janë të fortë për të thyer traumat që sjell familja. Një familje vërtet e sëmurë…” 

Nga ana tjetër, Fero nuk u dorëzua lehtë. Në rrjete sociale ai publikoi mesazhe akuzuese, duke e quajtur Arbenitën analfabete dhe duke theksuar se fama e saj lidhej vetëm me praninë e tij. Mes sulmeve të tij më të ashpra ishte edhe deklarata: “Ti e vrave babain tënd.” 

Ndërkohë, reperi shpërndau një artikull ku shpjegohej se babai i Arbenitës kishte ndërruar jetë në të njëjtën ditë kur ajo solli në jetë vajzën e saj, duke e shoqëruar me fjalët e çuditshme: “A nuk është kjo një shenjë nga Zoti?” 

Kjo betejë e hapur tani përfshin akuza personale, familjare dhe morale, duke kaluar çdo kufi të debatit publik.