Mbahet aktiviteti i shkëmbimeve kulturore-njerëzore të OBSh-së

Të hënën u mbajt në Pekin aktiviteti i shkëmbimeve kulturore-njerëzore të OBSh-së, i bashkëorganizuar nga Grupi Mediatik i Kinës (CMG) dhe Sekretariati i OBSh-së Mbi 100 të ftuar nga qarqet politike, kulturore dhe mediatike të vendeve të OBSh-së morën pjesë dhe panë publikimin e arritjeve të shumta bashkëpunuese.

Kryetari i CMG-së Shen Haixiong, vuri në dukje se "harmonia" është një koncept thelbësor i qytetërimit kinez. CMG ka nisur projekte të shumta kulturore vitet e fundit në bashkëpunim me vendet e OBSh-së dhe do të vazhdojë të tregojë histori të zhvillimit inovativ dhe të përcjellë mesazhin e bashkëpunimit fitimprurës për të dyja palët.

Sekretari i Përgjithshëm i OBSh-së, Nurlan Yermekbayev, theksoi se bashkëpunimi kulturor është një fushë kyçe për rritjen e besimit dhe se Sekretariati do të nënshkruajë një dokument bashkëpunimi me CMG-në për të promovuar shkëmbime të rregullta.

Në këtë event, CMG dhe Sekretariati i OBSh-së shkëmbyen dokumente bashkëpunimi, lançuan Mekanizmin e Bashkëpunimit Mediatik të OBSh-së dhe publikuan "Iniciativën e Mekanizmit të Bashkëpunimit".