U ekstradua nga Belgjika Edson Jozwik alias Edson Pjetri – i akuzuar si pjesë e grupit kriminal që trafikonte 160 kg drogë

Interpol Tirana, në bashkëpunim me homologët e Interpol Brukselit, finalizoi një tjetër operacion të suksesshëm në kuadër të aksionit ndërkombëtar “The Wanted”.

Nga Belgjika në Shqipëri u ekstradua shtetasi Edson Jozwik alias Edson Pjetri, 41 vjeç, i shpallur në kërkim ndërkombëtar nga GJKKO.

Ky shtetas akuzohet për disa vepra penale të rënda:

“Trafikim i lëndëve narkotike”

“Pastrimi i produkteve të veprës penale ose i veprimtarisë kriminale”

“Grup kriminal”

“Kryerja e veprave penale nga grupi i strukturuar kriminal”

Si vepronte grupi

Sipas hetimeve të SPAK, Edson Pjetri, në bashkëpunim me persona të tjerë, gjatë periudhës qershor – nëntor 2020, ka trafikuar rreth 160 kilogramë kanabis sativa nga Shqipëria në Mal të Zi, me destinacion final vendet e Bashkimit Europian.

Masa e sigurisë dhe dorëzimi

Gjykata e Posaçme kishte caktuar për të masën e sigurisë “Arrest në burg” që në 15 maj 2024, ndërsa pas ekstradimit ai iu dorëzua Drejtorisë së Përgjithshme të Burgjeve.

Policia e Shtetit dhe Interpol Tirana theksojnë se mbeten të angazhuar maksimalisht në bashkëpunimin ndërkombëtar për lokalizimin dhe sjelljen para drejtësisë të personave të shpallur në kërkim. /noa.al