Grupi hetimor po punon për sqarimin e plotë të rrethanave të aksidentit.

VLORË- Një aksident rrugor ka ndodhur mbrëmjen e sotme në Vlorë. Sipas informacioneve një automjet tip Audi është përfshirë në një aksident me një motomjet.

Si pasojë ka mbetur i lënduar drejtuesi i motomjetit, i cili u transportua në spital, dhe fatmirësisht ndodhet jashtë rrezikut për jetën. Grupi hetimor po punon për sqarimin e plotë të rrethanave të aksidentit.

"Sot, rreth orës 20:15, në rrugën “Murat Tërbaçi”, Vlorë, shtetasi R. J., 33 vjeç duke drejtuar automjetin tip “Audi”, është përfshirë në një aksident rrugor me motomjetin me drejtues shtetasin L. K., 52 vjeç, i cili si pasojë është dëmtuar dhe aktualisht ndodhet në spital, jashtë rrezikut për jetën. Grupi hetimor vijon punën për sqarimin e plotë të rrethanave të aksidentit.", thuhet në njoftimin e policisë.