Mali Tomor, Berat- Është anuluar ceremonia zyrtare e pelegrinazhit bektashi në malin e Tomorrit.

Stuhi të forta dhe një mot me rrebesh dhe rreshje të shumta shiu ranë në Kulmak të Skraparit ku ishte planifikuar rreth orës 10:00 të kësaj të premte 22 Gusht 2025 të mbahej ceremonia zyrtare e pelegrinazhit.

Ky është rasti i dytë i anullimit të ceremonisë zyrtare të pelegrinazhit në Tomorr. Kujtojmë se edhe gjatë vitit të pandemisë Covid-19 ceremonitë u ndaluan ndonse pelegrinazhi u krye nga besimtarët.

Aktivitetet e planifikuara sot për ceremoninë u anuluan, raportojnë mediat lokale.

Sakaq Kryegjyshatë Botërore Bektashiane doli me këtë mesazh publik:

"Ju lutemi të gjithë besimtarët, të mos ndezin zjarre, kujdes i shtuar gjithashtu në ndezjen e qirinjve, në ambiente të hapura, nga të gjithë pelegrinët, të cilët do të frekuentojnë pelegrinazhin në Teqenë e Kulmakut dhe tyrben e Abaz Aliut në Malin e Tomorrit, 18-25 Gusht 2025".