Një 30-vjeçar shqiptar ka rënë në prangat e policisë ditën e sotme në Itali, i akuzuar për shantazh dhe zhvatje.

Ngjarja raportohet se ka ndodhur në Raguza dhe u zbulua pas denoncimit të një fermeri vendas, ish-punëdhënës i të dyshuarit, i cili raportoi se i ishte nënshtruar kërkesave të përsëritura për zhvatje nga 30-vjeçari për më shumë se dy vjet.

Shumat e kërkuara varionin nga 2500 deri në 4000 euro, në intervale prej 30-40 ditësh dhe në formë gjobe dhe shoqëroheshin me kërcënime të qarta për dëmtim fizik, ose dëmtim të automjeteve bujqësore të kompanisë.

Një kanal vaditës shkak i vrasjes në Divjakë / 25-vjeçari hyri me thikë në lokal, viktima ishte ulur me miqtë (EMRAT)

Pas sinjalizimit, autoritetet nisën hetimet dhe organizuan një kurth për të kapur shqiptarin, që i kishte kërkuar ish-pronarit të tij 1400 euro. I riu u ndalua menjëherë pasi mori paratë dhe u arrestua në flagrancë, informon media italiane.

Pas përfundimit të formaliteteve, i dyshuari u dërgua në Burgun e Raguzës dhe u vu në dispozicion të Prokurorisë Publike në Gjykatën e Raguzës për masë sigurie dhe hetime të mëtejshme.