Një pistoletë e gjetur gjatë kontrollit të Policisë në rrugën “5 Maji” në Tiranë, rikthen shqetësimin mbi fenomenin e qytetarëve që qarkullojnë të armatosur.

Policia e Tiranës, në kuadër të operacionit të koduar “The Walker”, sekuestroi armën gjatë një kontrolli të zakonshëm, duke konfirmuar edhe një herë rrezikun që paraqet prania e armëve të paligjshme në qarkullim.

Tiranë

Finalizohet operacioni policor i koduar “The Walker”, nga Komisariati i Policisë Nr. 4.

Kapet në flagrancë dhe vihet në pranga një 32-vjeçar që mbante me vete armë zjarri pistoletë.

32-vjeçari me precedent të mëparshëm penal në fushën e narkotikëve dhe vjedhjes.

Sekuestrohet arma e zjarrit pistoletë.

Shërbimet e Komisariatit të Policisë Nr. 4, bazuar në informacionet e marra se një shtetas qarkullonte me armë zjarri, kanë organizuar dhe finalizuar operacionin policor të koduar “The Walker”, si rezultat i të cilit u arrestua shtetasi Klevi Prodani, 32 vjeç, banues në Tiranë, i dënuar më parë për prodhim dhe shitje të narkotikëve dhe vjedhje.

Gjatë kontrollit fizik të 32-vjeçarit në rrugën ‘5 Maji’, shërbimet e Policisë i gjetën 1 armë zjarri pistoletë, e cila u sekuestrua në cilësinë e provës materiale.

Ky fakt ngre disa pyetje:

Për çfarë arsye një 32-vjeçar ndien nevojën të lëvizë i armatosur në mes të qytetit?

Çfarë krimi mund të fshihej pas mbajtjes së kësaj arme?

A lidhet arma me episode grabitjesh, shantazhesh apo përplasje mes grupeve kriminale?

Përgjigjet do t’i japin hetimet, por rasti tregon se rreziku i krimeve të mundshme është i pranishëm për aq kohë sa armët mbahen jashtë kontrollit të ligjit. Çdo armë e gjetur në rrugë është një krim i mundshëm, këtë radhë i parandaluar.

View this post on Instagram

A post shared by Agjencia Kombëtare e Lajmeve NOA (@noanews)

Materialet i janë referuar Prokurorisë së Tiranës për veprime të mëtejshme, ndërsa hetuesit po verifikojnë nëse arma ka qenë e përfshirë në ngjarje kriminale të mëparshme. /noa.al