Edhe këtë të diel, Branko sjell parashikimet astrologjike për të gjitha shenjat e zodiakut.

Ndikimi i Hënës së plotë, lëvizjet e Venusit, Mërkurit dhe Jupiterit sjellin energji të reja, mundësi në dashuri, punë dhe financa, por edhe disa sfida që kërkojnë durim e zgjuarsi.

Ja çfarë rezervon kjo ditë për secilën shenjë.

Dashi

Kur Dielli kalon në Luan, ai çon në kulm marrëdhëniet tuaja personale dhe profesionale. Këto ditë janë të përshtatshme për të riorganizuar punën, për të kërkuar burime të reja të të ardhurave, për të sistemuar çështjet familjare që shpesh ju shkaktojnë ankth. Megjithatë, ka edhe anë të këndshme në jetën tuaj: miqësitë, aventurat verore, ekskursionet në mal, udhëtimet me kroçierë… Deti mund të duket i trazuar nën këtë qiell, por ju keni ndikimin e Neptunit dhe mund të lundroni të qetë.

Demi

Ende ndjeni disa pasoja nga ndryshimi i Hënës, por më shumë në aspektin fizik sesa në marrëdhëniet me të tjerët. Sot nis të bëhet shumë aktiv sektori i takimeve tuaja, i dashurive të kaluara, atyre që keni tani dhe atyre që mund të lindin para Ferragostit. Po lëvizni drejt një qielli gjithnjë e më të kthjellët, dhe të gjitha shpresat tuaja përforcohen nga Venusi dhe Jupiteri: ëmbëlsi dhe butësi në çift, kujdes ndaj miqve, vëmendje ndaj asaj që ndodh në shtëpi. Ka kontakte të favorshme për marrëveshje të reja.

Binjakët

Dje është formuar një trekëndësh mes Marsit dhe Hënës së plotë, ndikim që vazhdon edhe këtë mëngjes. Në duar mund të keni një mundësi të papritur për fat, ose mund të jeni ju ata që sillni fat për njerëzit që doni. Më pas ndodh diçka e pazakontë kur Hëna hyn te Peshqit: dikush përpiqet të hyjë në botën tuaj personale, të ndërhyjë në familje apo të vërë në diskutim punën tuaj. Gjeni një vend të qetë për dashurinë, sepse pikërisht ajo do të jetë protagoniste e gushtit tuaj.

Gaforrja

Siç e kemi thënë më parë dhe e konfirmojmë sot, në ajër ka një sukses të vogël por të rëndësishëm në punë ose në çështje financiare, siç e parashikon Merkuri aktiv në fushën e pasurisë dhe Hëna në Peshqit. Nuk bëhet fjalë vetëm për para, por për një kënaqësi dhe një revansh që shkon përtej vlerës materiale. Ju jeni “marinarët” e zodiakut, dhe tani, më shumë se kurrë, me Venusin në shenjën tuaj, po kaloni ditë dhe netë lumturie me fitore sentimentale rekord për sezonin. Mes dy të dashuruarve, gruaja Gaforre fiton ndaj mashkullit.

Luani

Një tjetër Hënë sfiduese do t’ju presë javën e ardhshme (në çerekun e fundit në Dem), por sot jeni tashmë në formë për të synuar objektiva të rinj. Merkuri është i favorshëm për kontakte, marrëdhënie shoqërore dhe udhëtime. Veçanërisht të rëndësishme janë dokumentet ose aktet e shkruara, për të cilat duhet të kujdeseni vetë. Qartësoni disa mendime ende të çrregullta në kokën tuaj dhe mbyllni ato çështje që tashmë kanë treguar se nuk vlejnë. Dhe kështu… dashuria do t’ju ketë vetëm për vete! Jeni të dashur dhe të vlerësuar.

Virgjëresha

Hëna hyn në Peshq dhe bëhet e paqartë në raport me ju, duke sjellë tension në ambientin profesional – mbani veten të informuar nëse jeni larg vendit të punës – por gjithashtu sjell vëmendjen te familja, prindërit dhe fëmijët. Ju e dini mirë se kujt dhe çfarë duhet t’i jepni përparësi. Nga ana tjetër, Venusi po nxit me padurim një skenë të re në dashuri. Ai flet edhe për lidhje me persona me moshë shumë të ndryshme nga e juaja – dallimet ju tërheqin. Dikush do t’ju vërejë sytë dhe do t’ju ndjekë.

—

Peshorja

Ende nën ndikimin e Hënës së plotë, kjo e diel nuk është aspak e keqe për pushtime të reja sentimentale, të favorizuara nga Marsi. Janë dashuri me shumë pasion fizik; çuditërisht, nuk jeni të interesuar për poezinë që zakonisht ka një rol të rëndësishëm në historitë tuaja, por në këtë moment, ky “oreks” pasional ka ardhur në kohën e duhur. Në njëfarë mënyre duhet qetësuar ajo Venus e çuditshme në Gaforre. Megjithatë, në zemrat e të rinjve të dashuruar jeton gjithmonë një ëndërr e bukur.

Akrepi

“Për pak dashuri, nuk di çfarë s’do të jepja…” – mund ta këndoni, sepse në fakt nuk keni nevojë për darka luksoze në vende të shtrenjta; ju duhet të jepni vetëm dashurinë tuaj. Shtoni një prekje romantike, melodike e poetike, dhe Venusi do t’ju shpërblejë. Kjo Hënë në Peshq mund të bëhet e paharrueshme falë mbështetjes së Jupiterit, duke sjellë historinë e parë të vërtetë dashurore të verës. Udhëtimet jashtë vendit janë të këshilluara për shenjat e ujit, ku do të gjeni edhe mundësi fitimi.

Shigjetari

Venusi ende nuk është plotësisht i sigurt për dashuri të mëdha të reja; ai po kalon në shtëpinë e tetë astrologjike (Gaforre), duke zgjuar një dëshirë të fortë dashurie. Por duhet pritur deri më 25 gusht, kur Venusi të hyjë në Luan, për të thënë me siguri se “është realizuar”. Femrat e shenjës sot janë veçanërisht të shqetësuara, pasi Hëna është në pozicion sfidues nga Peshqit. Shkarkoni stresin nervor të shkaktuar nga puna.

Bricjapi

Kur Venusi është në opozitë, ne u këshillojmë çifteve të martuara të bëjnë një pushim të shkurtër të ndarë, ose një udhëtim pa fëmijë e familjarë. Problemi kryesor është të gjeni kohë për të qëndruar vetëm, për të biseduar me qetësi dhe për të rikthyer ndjenjat e dikurshme. Mund të jetë emocionuese një kthim në vendet ku keni lindur, ku keni kaluar fëmijërinë ose pushimet e rinisë. Sa shumë dëshirë për t’u ndjerë sërish si një “skaut” i dikurshëm!

Ujori

Fillim i bukur, ende nën ndikimin e Hënës së plotë. Ky plenilun ka lindur në hijen e Plutonit mistik, ndaj lindin dashuri të pazakonta dhe zgjohen dëshira të çuditshme… Një “stuhi hormonale” e shkaktuar edhe nga Marsi, që do t’i bëjë mirë martesës. Në njohjet e reja, kini kujdes të mos ngatërroni një tërheqje fizike me dashurinë e vërtetë. Megjithatë, mos thoni kurrë “kurrë” – Ujori mund të pushtojë në çdo moshë. Shijoni diellin e ngrohtë mbi lëkurën e saj, të tij.

Peshqit

Një Venusi i bukur dhe Jupiteri janë në gjendje t’ju kthejnë emocione nga një kohë e largët, që mendonit se ishin shuar. Po e njëjta Hënë në shenjën tuaj ju bën të ndiheni të rinj, të guximshëm dhe me dëshirë të pakontrollueshme për të sjellë risi. E gjithë vera shoqërohet nga kalime planetare që sjellin ndryshime në jetën në çift dhe në marrëdhëniet e ngushta në përgjithësi – në familje, miqësi e lidhje të tjera të rëndësishme. Do të emocionoheni kur ta shihni dashurinë që ju afrohet, e cila padyshim “flet” një gjuhë të ëmbël e të veçantë. /noa.al