Kavajë – Arrestohet 47-vjeçari pas përhapjes së një zjarri në tokë me pemë frutore

Një zjarr ka përfshirë mbrëmjen e djeshme një sipërfaqe të madhe toke me pemë frutore në fshatin Kryeluzaj, Kavajë. Sipas burimeve, flakët nisën nga djegia e mbeturinave në një parcelë private dhe më pas u përhapën në zonën përreth, duke shkaktuar dëme materiale.

Gjatë veprimeve hetimore, u identifikua dhe u arrestua 47-vjeçari G. B., banues në Kavajë, i dyshuar si personi përgjegjës për ndezjen e zjarrit.

Hetimi paraprak tregon se ai po digjte mbeturina në tokën e tij, por zjarri ka dalë jashtë kontrollit, raporton noa.al.

Materialet e çështjes i janë kaluar Prokurorisë së Juridiksionit të Përgjithshëm Durrës, e cila do të vijojë procedurat ligjore për këtë rast. /noa.al