Sipas platformave në internet të të dhënave për biletat e kinemave, deri pasditen e të mërkurës, vlera e përgjithshme e të ardhurave nga biletat e kinemave për filmat e sezonit veror në shkallë vendi (qershor–gusht), përfshirë edhe parashitjet, i tejkaluan 1 miliard dollarë.

Deri tani janë njoftuar datat e nisjes së shfaqjes së më shumë se 60 filmave për këtë sezon, duke përfshirë filma historikë, mister, animacion, fantastiko-shkencorë, aksion e lloje të tjera.

Ky vit shënon 80-vjetorin e fitores së Luftës së Rezistencës të Popullit Kinez kundër Agre’sionit Japonez dhe të Luftës Antifashiste Botërore. Me këtë rast, po shfaqen gradualisht një sërë produktesh kinematografike, dramash, veprash muzikore e koreografike dhe veprash artistike me temën e kujtimit të historisë së Luftës së Rezistencës dhe vazhdimësisë shpirtërore.

Ndër filmat me temën e luftës, "Dead to Rights" ka fituar mbi 206 milionë USD në vetëm 10 ditë pas shfaqjes në kinema, duke kryesuar listat e të ardhurave nga biletat.

Filmi rrëfen historinë e një grupi qytetarësh vendas që u strehuan në një studio fotografike gjatë Mas’akrës së Nankinit në vitin 1937. Filmat "Malet e lumenjtë janë dëshmitarë" dhe "Ishulli Dongji" pritet të shfaqen në këtë muaj, ndërsa filmi "731" është planifikuar për në datën 18 shtator.

Përveç tyre, komedia "Rruga e liçit", e bazuar në romanin me të njëjtin titull të Ma Boyong-i, rrëfen historinë e një zyrtari të vogël të dinastisë Tang, i cili ndërmerr një udhëtim sfidues për të përmbushur një detyrë të veçantë: sjelljen e frutit të çmuar të liçit në kryeqytet.