Lushnjë – Arrestohet 40-vjeçari që tentoi të kryente marrëdhënie seksuale me dhunë ndaj një gruaje

Policia e Lushnjës, në bashkëpunim me Komisariatin e Sarandës, ka arrestuar një shtetas të shpallur në kërkim për një vepër të rëndë penale.

Bëhet fjalë për Roberton Cerria, 40 vjeç, i cili ishte shpallur në kërkim për veprën penale “Marrëdhënie seksuale me dhunë me të rritura”, mbetur në tentativë.

Sipas hetimeve paraprake, më datë 6 korrik 2025, Cerria dyshohet se ka tentuar të kryejë marrëdhënie seksuale me dhunë ndaj një 35-vjeçareje, në banesën e saj.

Pas lokalizimit të tij, autoritetet e ndaluan dhe ndaj tij janë marrë masat procedurale përkatëse. Materialet i janë referuar Prokurorisë së Fierit për veprime të mëtejshme ligjore. /noa.al