Qeveria mbulon 2.3 milionë lekë për mjekimin e Reida Kashtës

Tiranë – Këshilli i Ministrave ka vendosur të mbulojë shpenzimet e mjekimit të znj. Reida Kashta, drejtoreshë e përgjithshme e Agjencisë së Prokurimit Publik, në vlerën e 2.300.000 lekëve, raporton noa.al.

Vendimi është marrë në mbështetje të Kushtetutës dhe të ligjit për buxhetin e vitit 2025, si dhe në zbatim të vendimit të mëparshëm për financimin e shërbimeve shëndetësore nga skema e detyrueshme e sigurimeve shëndetësore.

Sipas vendimit zyrtar, fondi do të përballohet nga Fondi i Sigurimit të Detyrueshëm të Kujdesit Shëndetësor, ndërsa pagesa do të kryhet pas paraqitjes së faturave përkatëse nga institucioni i kurimit.

Për zbatimin e këtij vendimi janë ngarkuar Ministria e Shëndetësisë dhe Fondi i Sigurimit Shëndetësor. Vendimi është firmosur nga zv.kryeministrja Belinda Balluku, në mungesë dhe me porosi të kryeministrit Edi Rama, dhe hyn në fuqi menjëherë. /noa.al