Delvinë- Zjarri që përfshiu mesditën e së enjtes pjesën e Kalasë në fshatin Senicë të Delvinës, ka dalë jashtë kontrollit.

Si pasojë, kanë pësuar dëmtime nga flakët dy shefa të Komisariati të Policisë së Delvinës, komisar Agim Troci i cili ndodhej në terren me ekipin e punonjësve për shuarjen e zjarrit dhe shefi i krimeve në këtë Komisariat, Joni Lame pasi është asfiksuar nga tymi.

Troci ka pësuar djegie në trup dhe ndodhet në spitalin e Sarandës.

Zjarri ka përfshirë dhe fshatin Palavli. Deri tani numërohen 11 shtëpi të djegura e bashkë me to edhe Kisha 200 vjeçare e Shën Dhimitrit në Senicë. Forca të shumta të zjarrfikësve nga bashkitë Delvinë, Sarandë, Konispol, Finiq dhe Himarë ndodhen në zonë.