Shkodër- Rreth orës 22:00, më datë 23.07.2025, në aksin rrugor Shkodër–Lezhë, në afërsi të fshatit Dajç, ka ndodhur një aksident rrugor, ku janë përfshirë një automjet dhe një mjet trajler. Si pasojë e aksidentit:

Ka humbur jetën në vendngjarje shtetësja Refije Çico, rreth 56 vjeçe.

Alketa Luan Çico, 35 vjeçe, dhe fëmija i saj 3-vjeçar, janë plagosur rëndë.

Luan Alush Çico, rreth 60 vjeç, dhe drejtuesi i automjetit, Klevis Suçi, janë në gjendje të rëndë dhe janë transportuar në Spitalin e Traumës për ndihmë mjekësore më të specializuar.

Drejtuesi i trajlerit, Seid Islamoviç, banues në Serbi, është shoqëruar në Komisariat për veprime të mëtejshme procedurale.

Grupi hetimor është në vendngjarje dhe po punon për zbardhjen dhe dokumentimin e plotë të rrethanave dhe shkakut të aksidentit.