Himarë, 23 korrik 2025 – Një ngjarje tragjike ka ndodhur paraditen e sotme në zonën e njohur turistike “Gjiri i Filikurit”, ku një turiste holandeze ka humbur jetën si pasojë e një aksidenti gjatë një aktiviteti në natyrë.

Sipas informacionit paraprak, shtetasja M. B., 23 vjeçe, dyshohet se ka rënë aksidentalisht gjatë zbritjes nga një shkëmb me litar. Ajo mori ndihmën e parë mjekësore në vendngjarje dhe më pas u transportua me ndihmën e Policisë Kufitare, por, për shkak të dëmtimeve të rënda, nuk ka mundur të mbijetojë.

Në të njëjtën ngjarje, si pasojë e rrëshqitjes së disa gurëve, është dëmtuar dhe po trajtohet në spital një tjetër turiste, shtetasja franceze J. L., 18 vjeçe, e cila ndodhej në afërsi të vendit të aksidentit.

Grupi hetimor ndodhet në vendngjarje dhe po vijon punën për zbardhjen e plotë të rrethanave të këtij incidenti.

Himarë/Informacion paraprak

Në vendin e quajtur “Gjiri i Filikur”, dyshohet se gjatë zbritjes nga shkëmbi me litar, është rrëzuar aksidentalisht shtetasja holandeze M. B., 23 vjeçe, të cilës iu dha ndihma e parë mjekësore dhe u transportua me ndihmën e Policisë Kufitare, por për shkak të dëmtimeve të marra ka ndërruar jetë.

Gjithashtu, si pasojë e rrëshqitjes së disa gurëve në momentin e ngjarjes, është dëmtuar dhe po merr ndihmë mjekësore në spital, shtetasja franceze J. L., 18 vjeçe, e cila ndodhej në afërsi.

Grupi hetimor vijon veprimet për zbardhjen e plotë të rrethanave të ngjarjes.