ZVICER – Dramë në Gjenevë… Në një stadium të mbushur plot e përplot, Italia pësoi një humbje e tmerrshme, ku kohët shtesë të ndeshjes, ishin të mallkuara për të.

Pasi kryesoi për një kohë të gjatë, skuadra e Soncin pësoi golin e barazimit në fund të kohës shtesë të ndeshjes. Më pas, në shtesat 2×15 minuta, në minutat e fundit të periudhës së dytë pëson golin e dytë dhe të humbjes së gjysmëfinales.

Anglia, kampione në fuqi mori epërsinë falë zëvendësueses, Kelly, e cila shënoi penalltinë e saj në tentativën e dytë, të pritur fillimisht nga Giuliani, duke i siguruar “Luaneshave” i një vend në finalen e Europianit të Femrave.

Italianet kaluan në epërsi me anë të Bonansea 33′, ndërsa anglezet përmbysën gjithçka me golat e Agyemang 90’+6 dhe Kelly 119′.

Anglezet shkruajnë një tjetër kapitull epik në librin emocionues të udhëtimit të tyre në “Euro 2025”. Michelle Agyemang dhe Chloe Kelly janë heroina edhe një herë, duke e mbajtur gjallë ëndrrën e Anglisë për të ruajtur titullin.