VLORË- Një plagosje me thikë ka ndodhur mbrëmjen e sotme në fshatin Llakatund të Vlorës, ku një konflikt për motive të dobëta ka përfunduar me plagosjen e një të riu.

Rreth orës 21:00, shtetasi Eugen Mahmutaj, 24 vjeç, është goditur me mjet prerës gjatë një përplasjeje fizike. I plagosuri është transportuar në spital dhe ndodhet jashtë rrezikut për jetën.

Policia ka identifikuar autorin e dyshuar të ngjarjes si Gezim Rrapaj, 25 vjeç, dhe po vijon krehjen e zonës për kapjen e tij.

Grupi hetimor ndodhet në vendngjarje dhe po punon për zbardhjen e plotë të rrethanave dhe dokumentimin ligjor të ngjarjes.