Korçë – Një ngjarje e rëndë ka ndodhur mesditën e sotme në qytetin e Korçës, ku një 60-vjeçar është gjetur pa shenja jete në shkallët e pallatit pranë banesës së tij.

Sipas informacioneve paraprake, burri ishte duke u kthyer në shtëpi kur ka ndërruar jetë në rrethana ende të paqarta. Ka qenë bashkëshortja dhe djali i tij që e kanë gjetur fillimisht në gjendje të rëndë dhe kanë njoftuar menjëherë shërbimet e Policisë.

Burime nga vendngjarja bëjnë me dije se 60-vjeçari vuante nga tensioni i lartë, por shkaku zyrtar i vdekjes do të përcaktohet pas kryerjes së ekspertizës mjeko-ligjore.

Policia po heton për të zbardhur rrethanat e plota të ngjarjes.