Bashkimi Evropian ka aktivizuar flotën e tij të specializuar për menaxhimin e emergjencave, duke mobilizuar ndihmën për shuarjen e zjarreve që kanë përfshirë qarqet e Vlorës dhe Dibrës në Shqipëri.

Sipas njoftimit zyrtar nga Mbrojtja Civile dhe Ndihma Humanitare e BE-së, në kuadër të këtij operacioni janë angazhuar tre aeroplanë zjarrfikës nga Greqia dhe Italia, të cilët po operojnë intensivisht në zonat e prekura nga flakët.

“Ne jemi të gatshëm të ofrojmë më shumë mbështetje nëse është e nevojshme,” thuhet në deklaratën e Bashkimit Evropian, duke theksuar angazhimin e vazhdueshëm për të ndihmuar Shqipërinë në përballimin e situatës emergjente.