Tiranë- Një ngjarje e rëndë është shënuar në maternitetin "Koço Gliozheni" në Tiranë, ku një foshnjë e porsalindur ka humbur jetën si pasojë e neglizhencës në trajtimin mjekësor.

Policia bën me dije se shtetasi me iniciale Xh. Q., 34 vjeç, ka bërë kallëzim në polici për stafin e maternitetit të Koço Gliozheni.

Policia e Tiranës njofton se materialet për rastin i janë referuar Prokurorisë me qëllim vlerësimin e mëtejshëm

Njoftimi i policisë:

Specialistët e policisë njoftojnë se është kallëzuar nga Xh. Q., 34 vjeç, se foshnja e tij ka humbur jetën, në spital, si pasojë e neglizhencës në trajtimin mjekësor. Nën akuzë janë mjekët që janë marrë me rastin.

Materialet procedurale për rastin iu referuan Prokurorisë, me qëllim vlerësimin e mëtejshëm.