Aksident tragjik në Tiranë – Humb jetën një 54-vjeçar me biçikletë

Tiranë, 18 Korrik 2025 – Një aksident me pasojë vdekjen ka ndodhur paraditen e sotme në rrugën “Jordan Misja” në Tiranë, ku një automjet ka përplasur për vdekje një shtetas që po udhëtonte me biçikletë.

Sipas informacioneve paraprake, automjeti i drejtuar nga H. M., 27 vjeç, ka aksidentuar biçikletën me të cilën po lëvizte shtetasi S. Xh., rreth 54 vjeç.

Pak pas aksidentit, i dëmtuari është transportuar në spital, por fatkeqësisht ka ndërruar jetë si pasojë e plagëve të marra.

Drejtuesi i mjetit është shoqëruar nga policia në Komisariat për t’u marrë në pyetje, ndërsa grupi hetimor po punon për zbardhjen e plotë të rrethanave të ngjarjes. /noa.al