Librazhd, 17 korrik 2025 – Një aksident i rëndë rrugor ndodhi paraditen e sotme në aksin nacional Librazhd–Qafë Thanë, ku dy automjete u përplasën, duke shkaktuar katër të lënduar.

Sipas informacioneve paraprake, një automjet i drejtuar nga shtetasi R. D. është përplasur me një tjetër automjet që drejtohej nga shtetasi Ç. H. dhe që kishte në brendësi edhe tre pasagjerë. Si pasojë e përplasjes, shtetasi Ç. H. dhe dy pasagjerët e tjerë janë lënduar, por ndodhen jashtë rrezikut për jetën.

Një adoleshent 15-vjeçar, gjithashtu pasagjer në automjetin e drejtuar nga Ç. H., është dërguar në Spitalin e Traumës në Tiranë për ndihmë mjekësore të specializuar. Ndërkohë, shëndeti i të rinjtë është ende jashtë rrezikut për jetën.

Në vendngjarje është ndodhur grupi hetimor, i cili po punon intensivisht për zbardhjen e plotë të rrethanave dhe shkaqeve të aksidentit.

Autoritetet bëjnë apel për kujdes më të madh gjatë udhëtimeve dhe respektimin e rregullave të qarkullimit rrugor për të shmangur aksidentet.