Milano, 16 Korrik 2025 – Interi ka nisur përpjekjet për ristrukturimin e skuadrës dhe mesfusha është pika ku po përqendrohet vëmendja. Me qëndrimin e Hakan Calhanoglu tashmë të sigurt, një nga emrat që shihet jashtë planeve të klubit është mesfushori shqiptar Kristjan Asllani.

Edhe pse 23-vjeçari nuk bën pjesë në projektin teknik të zikaltërve për sezonin e ardhshëm, e ardhmja e tij mbetet ende e paqartë. Nuk mungojnë klubet e interesuara për shërbimet e tij, por deri tani nuk ka mbërritur asnjë ofertë zyrtare në zyrat e Interit.

Megjithatë, sipas raportimeve të fundit, Fiorentina është klubi i parë që pritet të ndërmarrë një hap konkret për transferimin e Asllanit. Zikaltërit e vlerësojnë lojtarin në rreth 18-20 milionë euro, dhe një ofertë nga "Viola" mund të zhbllokojë situatën dhe të nxisë edhe klubet e tjera të interesuara, si Bologna.

Ndërkohë, ofertës së ardhur nga Betis Sevilla, mesfushori shqiptar i ka kthyer përgjigje negative, duke preferuar të qëndrojë në Serie A.