Tiranë, 16 Korrik 2025 – Drejtoria e Përgjithshme e Burgjeve ka kryer ndryshime në drejtimin e dy prej institucioneve të vuajtjes së dënimit në vend. Altin Ago është emëruar drejtor i ri i burgut të sigurisë së lartë në Peqin, ndërsa Qazim Hoxha do të drejtojë burgun e Elbasanit.

Ndryshimet vijnë në kuadër të një riorganizimi të brendshëm në sistemin penitenciar dhe sipas burimeve, synojnë forcimin e menaxhimit dhe zbatimin më të rreptë të ligjit në këto institucione.

Po ashtu, ditën e sotme është ushtruar një kontroll blic në të gjitha burgjet e Shqipërisë, në kuadër të masave për parandalimin e futjes së sendeve të ndaluara dhe forcimin e sigurisë.