GJERMANI- Një 21-vjeçare nga Kosova ka ndërruar jetë në Reutlingen të Gjermanisë, pasi u aksidentua në autostradën B28. Viktima është identifikuar si Yllka Hoti. Vdekjen e saj e ka konfirmuar familja, e cila ka njoftuar për ceremoninë e varrimit.

Yllka po udhëtonte me makinën e saj ditën e enjte kur humbi kontrollin duke dalë nga rruga. Mësohet se mjeti është përmbysur disa herë duke e plagosur rëndë. 21-vjeçarja luftoi me vdekjen deri ditën e shtunë, por fatkeqësisht nuk arriti të mbijetonte. Vdekjen e saj e njoftuan dje autoritetet gjermane.

Sipas mediave gjermane, Autostrada B28, nga Metzingen drejt Reutlingen, u mbyll plotësisht pas aksidentit. Një helikopter shpëtimi u aktivizua, gjithashtu. Policia është duke e hetuar rastin dhe shkaqet e aksidentit.