Vlorë, 14 korrik 2025 – Një ngjarje e rëndë është regjistruar paraditen e sotme në lagjen “Kushtrimi” të qytetit të Vlorës, ku një vajzë 17-vjeçare është paraqitur në spital në gjendje të rëndë shëndetësore, pas dyshimeve se është vetëplagosur me armë zjarri.

Sipas të dhënave paraprake, e mitura është dërguar në urgjencë rreth orës 11:40, ndërsa dyshohet se ajo është vetëplagosur me një pistoletë, brenda banesës së saj.

Grupi hetimor ndodhet në vendngjarje dhe po punon për zbardhjen e plotë të rrethanave dhe motiveve që çuan në këtë akt të rëndë. Gjendja shëndetësore e vajzës mbetet e rënduar dhe nën kujdesin e mjekëve.