Lëvizje të reja në drejtimin e Policisë së Shtetit: Emërime të reja në disa komisariate në Tiranë dhe rrethe

Policia e Shtetit ka bërë disa ndryshime në nivel drejtuesish në komisariate të ndryshme në vend, me qëllim forcimin e menaxhimit dhe rritjen e eficiencës operacionale në terren.

Në kuadër të këtyre ndryshimeve janë bërë emërime të reja në disa komisariate në Tiranë, Kukës dhe Shkodër.

Ja emërimet e fundit të bëra publike:

Idriz Daulle, më parë zëvendësdrejtor për Rendin në DVP Tiranë, është emëruar Shef i Komisariatit të Policisë nr. 5, Tiranë.

Besmir Qebini, nga Shef i Komisariatit nr. 5, është transferuar si Shef i Komisariatit të Policisë Kukës.

Bekim Lika, nga pozicioni i mëparshëm si Shef në Kukës, është emëruar Shef i Komisariatit të Policisë Shkodër.

Ermal Kenaçi është emëruar Shef i Komisariatit të Policisë nr. 2, Tiranë.

Feliks Hoda është caktuar Shef i Komisariatit të Policisë nr. 4, Tiranë.

Ervis Gjoshi, i cili mbante detyrën e Shefit në Komisariatin nr. 4, është ngritur në detyrë si Zëvendësdrejtor për Rendin në DVP Tiranë.

Robert Losha është emëruar Shef i Komisariatit të Policisë nr. 7, Tiranë.

Elton Shahini do të drejtojë Komisariatin e Policisë nr. 1, Tiranë. /noa.al