Durrës, 10 korrik 2025 – Të gjithë drejtorët që varen nga Bashkia e Durrësit kanë dhënë dorëheqjen ditën e sotme, në një lëvizje që vjen menjëherë pas ultimatumit të bërë publik nga Kryeministri Edi Rama.

Dorëheqjet janë dorëzuar pranë sektorit të burimeve njerëzore në bashki dhe përfshijnë të gjithë drejtuesit e institucioneve nën varësinë e pushtetit vendor në Durrës. Lëvizja vjen në kuadër të një vale të pritshme ndryshimesh në administratën vendore pas sinjaleve për reformim dhe llogaridhënie të dhëna nga kreu i qeverisë.

Ende nuk dihet nëse dorëheqjet do të pranohen të gjitha apo do të ketë rikonfirmime në detyrë, por burime brenda bashkisë thonë se procesi pritet të pasohet nga një riorganizim i thelluar në drejtori dhe sektorë të ndryshëm.