Sot rreth orës 17:00, në zonën e Ksamilit, dy vëllezër francezë, A.I. (25 vjeç) dhe I.I. (22 vjeç), u përplasën me mjetet e tyre lundruese jashtë zonës së sigurisë. 25-vjeçari humbi kontrollin dhe përplasi jet skin e vëllait të tij, i cili ra në ujë dhe u lëndua.

22-vjeçari u transportua me urgjencë në spital, por ndodhet jashtë rrezikut për jetën. Policia Kufitare Sarandë bllokoi dy jet skitë dhe po kryen verifikimet dhe hetimet për shkeljet e mundshme.

Grupi hetimor në Sarandë po punon për zbardhjen e plotë të ngjarjes.

Sarandë/Informacion paraprak

Sot, rreth orës 17:00, në zonën e Ksamilit, duke lundruar jashtë zonës së sigurisë, dy vëllezër, shtetas francezë, A. I., 25 vjeç dhe I. I., 22 vjeç, dyshohet se, gjatë lëvizjes me jet ski pranë njëri-tjetrit, 25-vjeçari ka humbur kontrollin mbi drejtimin e mjetit lundrues, duke u përplasur me mjetin lundrues të vëllait të tij, i cili është rrëzuar në ujë dhe ka pësuar dëmtime.

Pas ndihmës së parë të dhënë nga Njësia Policore Detare Sarandë, 22-vjeçari I. I. është transportuar në spital, ku ndodhet jashtë rrezikut për jetën.

Nga ana e Policisë Kufitare Sarandë është bërë bllokimi i dy mjeteve lundruese (jet ski) dhe do të kryhen verifikimet për shkeljet e konstatuara dhe në vijim do të merren masat administrative përkatëse, sipas legjislacionit në fuqi, ndaj dy pronarëve të këtyre mjeteve.

Ndërkohë, grupi hetimor në Komisariatin e Policisë Sarandë po kryen veprimet procedurale dhe hetimore, me qëllim zbardhjen e plotë të rrethanave të ngjarjes.