Në Bruksel u mbajt këto ditë raundi i 13-të i Dialogut Strategjik të Nivelit të Lartë Kinë-BE. Ministri i Jashtëm i Kinës Wang Yi u takua me liderët kryesorë të BE-së dhe vizitoi Gjermaninë e Francën.

Pala kineze theksoi se historia e zhvillimit të marrëdhënieve kino-evropiane tregon që të dy palët janë partnerë e jo rivalë dhe bashkëpunimi është toni kryesor dhe themeli i këtyre marrëdhënieve, duke u bërë thirrje Kinës dhe BE-së të përpiqen së bashku që t’i ofrojnë botës sigurinë e rrallë.

Kryetari i Këshillit Evropian António Costa dhe personalitete të tjera thanë se BE-ja dëshiron që të dyja palët të respektojnë njëra-tjerën, të kapërcejnë mosmarrëveshjet e të shtojnë mirëkuptimin, duke u përgatitur për takimin tjetër të liderëve, që të zhvillojnë në mënyrë konstruktive marrëdhëniet evropiano-kineze dhe t’i sjellin botës besim, qëndrueshmëri e shpresë.

Gjatë gjysmëshekullit të kaluar, marrëdhëniet kino-evorpiane kanë ruajtur në përgjithësi zhvillimin e qëndrueshëm. Të dy palët kanë krijuar pesë dialogë kryesorë të nivelit të lartë, përkatësisht në aspektet strategjike, ekonomiko-tregtare, digjitale, mjedisore e klimatike dhe njerëzore, si dhe mbi 70 mekanizma dialogu.

Në fushën ekonomiko-tregtare, vëllimi vjetor i tregtisë dypalëshe u ngrit nga 2.4 miliardë dollarë amerikanë kur u vendosën marrëdhëniet diplomatike, në 785.8 miliardë dollarë amerikanë në vitin 2024. Vëllimi i investimeve të ndërsjella ka arritur nga pothuajse zero në 260 miliardë dollarë amerikanë.

Ndërkohë, kanë funksionuar gjithsej mbi 100 mijë trena mallrash Kinë-Evropë. Të gjitha këto janë shfaqje konkrete të leverdisë së ndërsjellë dhe të përfitimeve të përbashkëta midis dy palëve, thuhet në një koment të CMG-së, lidhur me këtë raport midis Kinës dhe BE-së.

Komenti i CMG-së mbyllet me disa të dhëna: në tre muajt e parë të këtij viti, investimet nga rajoni i BE-së në Kinë patën rritje prej 11.7 për qind, ndërsa sipas raportit të majit të Dhomës Gjermane të Tregtisë në Kinë, 50 për qind e ndërmarrjeve gjermane planifikojnë të shtojnë investimet në Kinë në dy vjetët e ardhshëm.