Tiranë, 7 Korrik 2025 – Një autobus i linjës urbane Tiranë–Kamëz është përfshirë nga flakët pak minuta më parë, duke shkaktuar panik te pasagjerët.

Zjarri dyshohet të ketë shpërthyer fillimisht në pjesën e motorrit dhe më pas është përhapur me shpejtësi në pjesën e pasme të mjetit. Fatmirësisht, nuk raportohet për persona të lënduar.

Në vendngjarje ndërhynë menjëherë shërbimet zjarrfikëse të Kamzës, të cilat arritën të neutralizojnë flakët dhe të shmangin përhapjen e mëtejshme të zjarrit.

Aktualisht, po hetohen shkaqet e incidentit nga autoritetet përkatëse, ndërsa autobusi është dërguar për ekzaminim teknik.