Ish-sulmuesi i kombëtares gjermane, Kevin Kurani, është bërë protagonist i një incidenti në Mikonos gjatë pushimeve të tij.

43-vjeçari me origjinë braziliano-gjermane, i cili ka luajtur për ekipe si Stuttgart, Schalke, Dynamo Moscow dhe Hoffenheim, ndodhej me familjen në zonën e Ornos, kur ndodhi përplasja, raporton noa.al

Sipas burimeve të “Zougla.gr”, ngjarja ndodhi mbrëmjen e së hënës, kur një turist turk në gjendje të dehur thuhet se shau vajzën e Kuranit. Në reagim të menjëhershëm, Kurani e goditi turkun, i cili theu këmbën, me gjasë si pasojë e dhunës së ushtruar.

Për këtë arsye, ish-futbollisti u shoqërua në komisariatin e policisë së Mikonos, ku u morën dëshmitë e të dy palëve. Pas ndërhyrjes së autoriteteve, Kurani pranoi të dëmshpërblente turkun, i cili në fund nuk bëri kallëzim penal.

Pas marrëveshjes, Kevin Kurani u la i lirë, dhe të nesërmen u largua nga Mikonos drejt Gjermanisë me familjen e tij. /noa.al