Trazirë në një hotel në Stalida: 23-vjeçari portugez arrestohet dhe akuzohet për përd’hunim të një 22-vjeçari gjerman – Çfarë thotë policia

Një incident i pabesueshëm që ndodhi në orët e para të mëngjesit të së enjtes (4 korrik) në një hotel në Stalida të Heraklionit, Kretë, përfundoi në një denoncim të rëndë për sulm sek’sual.

Sipas burimeve policore, një 23-vjeçar turist nga Portugalia, në gjendje të dehur, hyri gabimisht në një dhomë tjetër të hotelit, ku qëndronte një çift gjerman. Aty dyshohet se ai u përpoq ose kreu akte seksuale ndaj 22-vjeçarit gjerman, ndërsa ky i fundit ishte në gjumë.

Është e paqartë se si i riu portugez hyri në dhomën e çiftit gjerman duke përdorur kartën e dhomës së tij.

Viktima, teksa u zgjua nisi të kërkonte ndihmë, ndërsa partnerja e tij njoftoi recepsionin e hotelit. Policia u thirr menjëherë dhe arrestoi 23-vjeçarin.

Gjatë marrjes në pyetje, i riu dyshohet se pranoi aktin, duke deklaruar se nuk ishte në dijeni të veprimeve për shkak të gjendjes së dehjes.

Më tej ai tha se e kishte ngatërruar djali 22 vjeçar me të dashurin e tij.

Ndaj të riut portugez është ngritur aktakuzë për përd’hunim, një vepër penale që ndëshkohet rreptësisht sipas ligjit grek, raporton noa.al.

Çështja tani ndodhet në dorën e prokurorisë së Heraklionit, dhe pritet që i akuzuari të dëshmojë para autoriteteve gjyqësore në ditët në vijim. Sipas Kodit Penal grek, përd’hunimi konsiderohet çdo akt seksual pa pëlqimin e viktimës, përfshirë rastet kur personi është në gjumë apo në pamundësi për të reaguar. /noa.al