Të dashur miq të yjeve, mirë se vini në horoskopin e përditshëm të Brankos për ditën e enjte, 3 korrik 2025. Hëna ndodhet në shenjën e Shigjetarit, duke zgjuar tek të gjithë dëshirën për të eksploruar, për të udhëtuar dhe për të dalë jashtë kufijve të zakonshëm.

Ndërkohë, ndikimi i Venusit sjell lëvizje dhe ndjenja në sferën sentimentale.

Lexoni më poshtë parashikimet për secilën shenjë dhe lërini yjet t’ju drejtojnë me urtësi.

Dashi ♈ (21 mars – 20 prill)

Sot jeni të mbushur me guxim dhe dëshirë për të vepruar. Ndikimi i Hënës ju shtyn të hidhni hapin e parë pa frikë. Është një ditë ideale për të propozuar një ide, për të nisur një projekt apo për të kontaktuar dikë që e keni menduar prej kohësh. Në punë, do të keni intuitë të mprehtë që do t’ju sjellë përfitime. Në dashuri jeni më të guximshëm se zakonisht – kjo ju bën tërheqës dhe magnetikë, por kujdes me fjalët e nxituara. Sot favorizohen udhëtimet, takimet dhe bisedat me rëndësi. Mund të ndodhë një takim interesant që do të ndikojë në të ardhmen tuaj.

—

Demi ♉ (21 prill – 20 maj)

Sot ndjeni nevojë për qetësi dhe reflektim. Nuk është dita për të vepruar me vrull, por për të dëgjuar zërin tuaj të brendshëm. Në çështjet e zemrës, mos e forconi ritmin – lërini gjërat të rrjedhin natyrshëm. Partneri do të vlerësojë qetësinë tuaj, ndërsa për beqarët është një periudhë për të ndërtuar besim të brendshëm. Në punë, është më mirë të qëndroni në vëzhgim – mos shtyni përpara projekte që ende nuk janë gati. Bëni një pushim, ndizni një qiri të bardhë dhe mendoni për dëshirën tuaj më të thellë – universi ju dëgjon.

—

Binjakët ♊ (21 maj – 21 qershor)

Dita sjell energji pozitive dhe gjallëri në jetën tuaj. Komunikimi është arma juaj e fortë sot, ndaj përdoreni për të zgjidhur situata, për të bërë marrëveshje ose për të frymëzuar të tjerët. Në punë, një lajm që e prisnit prej kohësh më në fund mund të vijë. Ka mundësi të reja që vijnë nga jashtë ose përmes kontakteve të largëta. Në dashuri, një mesazh i papritur mund të prekë emocionet tuaja. Hëna përballë jush ju kujton të balanconi mendjen me ndjenjat. Sot mos flisni me nxitim – fjalët kanë peshë.

—

Gaforrja ♋ (22 qershor – 22 korrik)

Sot mbani mbi vete më shumë përgjegjësi se zakonisht, por edhe rezultatet do të jenë të kënaqshme. Në punë është momenti i duhur për të marrë vendime që do të kenë ndikim afatgjatë. Jeni të përqendruar dhe të qartë në qëllimet tuaja. Në dashuri, ndjenjat janë më serioze – dëshironi diçka të qëndrueshme dhe të vërtetë. Beqarët mund të ndihen pak të tërhequr mbrapsht, por kjo fazë është kalimtare. Kujdesuni për shëndetin tuaj – ushqehuni mirë dhe mos neglizhoni pushimin. Sot, heshtja mund të jetë më domethënëse se fjalët.

—

Luani ♌ (23 korrik – 22 gusht)

Dita është e ndritshme dhe plot mundësi. Hëna ju mbështet dhe ju jep karizëm – rrezatoni energji pozitive dhe të tjerët tërhiqen prej jush. Në punë, do të keni përballje apo sfida, por i përballoni me autoritet dhe vetëbesim. Në dashuri jeni pasionantë, por ndonjëherë doni të dominoni – kujdes mos e tejkaloni. Jepni hapësirë edhe tjetrit. Sot është dita për të shprehur atë që ndjeni – mos mbani asgjë brenda. Një fjalë e thënë në momentin e duhur mund të hapë një derë të madhe.

—

Virgjëresha ♍ (23 gusht – 22 shtator)

Kjo e enjte kërkon organizim dhe qetësi. Mos shpërqendroheni nga detajet e vogla – përqendrohuni tek thelbësorja. Në punë, me përpjekje të qëndrueshme dhe durim do të kapërceni pengesa të vogla. Mos lejoni që gjërat e vogla t’ju bëjnë nervozë. Në dashuri, nëse diçka ju mundon, mos e mbani për vete – flisni hapur dhe qartë. Sot është një ditë ideale për të bërë një riorganizim të brendshëm: filloni një dietë, pastroni ambientin ku jetoni apo bëni një zotim ndaj vetes për mirëqenie. Yjet ju shtyjnë drejt një versioni më të mirë të vetes.

—

Peshorja ♎ (23 shtator – 22 tetor)

Sot, dëshira juaj e natyrshme për harmoni mund të tronditet nga disa tensione që vijnë nga jashtë. Mund të ndiheni të ndikuar nga qëndrimet apo fjalët e dikujt, por është thelbësore të mos e merrni gjithçka personale. Branko ju këshillon të qëndroni të qetë dhe të mos bini në provokime – keni zgjedhjen të mos reagoni. Në dashuri, ata që janë në çift mund të kalojnë një moment sqarimi që ndihmon për të vendosur kufij të qartë dhe ndjenja më të sinqerta. Ndërsa për beqarët, një person krejt ndryshe nga tipi i zakonshëm mund t’ju tërheqë në mënyrë të papritur – dhe kjo mund të shndërrohet në diçka të veçantë. Në punë, shmangni debatet dhe shtyni çdo vendim të ndjeshëm për ditën e premte. Sot është ditë për të dëgjuar më shumë sesa për të folur, për të reflektuar më shumë sesa për të ndërhyrë.

—

Akrepi ♏ (23 tetor – 22 nëntor)

Një ditë e thellë në planin emocional për ju, Akrepë. Ndjesitë janë të forta dhe zemra është në lëvizje. Mund të ndjeni nevojën për të folur, për të shprehur një mendim që keni mbajtur brenda, për të hequr një peshë që ju ka rënduar. Është koha për të përballuar një temë që keni shtyrë – dhe ta bëni me guxim. Në dashuri, marrëdhëniet bëhen më të thella, por kërkojnë përkushtim dhe seriozitet. Ata që janë vetëm mund të takojnë dikë me një energji magnetike që tërheq dhe sfidon njëkohësisht. Në punë, mos përpiqeni të bëni gjithçka vetë – të delegosh nuk është dobësi, por shenjë inteligjence. Branko ju këshillon të hiqni dorë nga kontrolli dhe t’i besoni rrjedhës së ngjarjeve. Yjet janë në anën tuaj.

—

Shigjetari ♐ (23 nëntor – 21 dhjetor)

Hëna ndodhet në shenjën tuaj sot dhe kjo ju jep energji pozitive, optimizëm dhe frymëzim. Mendja juaj është e mbushur me ide dhe dëshirë për të vepruar. Është momenti ideal për të propozuar, për të kërkuar, për të marrë nisma. Në dashuri, kjo energji transmetohet edhe te partneri – çiftet rifitojnë bashkëpunimin dhe ata që janë vetëm mund të bëjnë përshtypje pa e kuptuar fare. Kujdes vetëm me nxitimin: mos e prishni një rrugë të mirë duke nxituar të arrini fundin. Në punë, dita është e favorshme për takime, prezantime, intervista ose për të paraqitur ide të reja. Branko përmend një drejtim të ri, një rrugëtim të jashtëm ose të brendshëm. Jeni gati të nisni?

—

Bricjapi ♑ (22 dhjetor – 20 janar)

Dita e sotme ju çon drejt reflektimit mbi kohën dhe vlerat e saj. Branko ju fton të ndaloni pak, të shkëputeni nga rutina e zakonshme dhe të mendoni për atë që ju sjell vërtet qetësi dhe paqe. Në punë, ka lëvizje që ndodhin në sfond – ndaj mos nxitoni të flisni apo të ndani gjithçka. Më mirë të jeni të rezervuar dhe të përgatisni terrenin në heshtje. Në dashuri, nëse ka pasur tensione, sot është dita për të gjetur një mes të artë dhe për të dëgjuar njëri-tjetrin më me mirëkuptim. Beqarët kanë nevojë të rimëkëmbin besimin tek vetja dhe tek lidhjet. Është një ditë e mirë për meditim, shkrim personal apo dëgjim muzike. Karta e Brankos është Eremiti: kujton se vetmia, kur është e dëshiruar, sjell qartësi dhe thellësi.

—

Ujori ♒ (21 janar – 19 shkurt)

Sot jeni më krijues, më të lirë dhe më të gatshëm për të provuar gjëra të reja. Branko ju nxit të thyeni rutinën, të dilni nga modelet e zakonshme dhe të provoni diçka ndryshe – qoftë një veshje e re, një vend i panjohur apo një mënyrë tjetër të menduari. Në dashuri, ndjesitë janë të gjalla dhe marrëdhëniet bëhen më të hareshme. Beqarët janë shumë tërheqës dhe të kërkuar. Në punë, një ide gjeniale mund të dalë papritur dhe të bëjë diferencën – por kujdes me shpërqendrimet. Mos harroni që pas çdo spontaniteti, duhet edhe qëllimi. Qielli ju fton drejt një rizgjimi: jeni gati të përqafoni një version të ri të vetes suaj.

—

Peshqit ♓ (20 shkurt – 20 mars)

Sot është një ditë delikate, e butë, e mbushur me nuanca dhe ndjeshmëri. Intuita juaj është më e fortë se zakonisht dhe do t’ju udhëheqë në vendimmarrje. Në dashuri, zemra është e hapur – për ata në çift, momentet e ndjeshme sjellin afërsi të sinqertë. Ndërsa beqarët mund të shohin në sytë e dikujt një ndjesi që prek shpirtin. Në punë, mos e shtyni veten shumë – çdo gjë po lëviz, por ngadalë. Duhet durim. Karta që përmend Branko është Gjashta e Kupave – që flet për kujtime, rikthime ose emocione që duan të rishfaqen. Sot merrni pak kohë për veten: për lexim, qetësi, ëndrra. Deti i brendshëm është gati të ju tregojë diçka të rëndësishme. /noa.al