Durrës, 30 Qershor 2025 – Superjahti “Opera”, në pronësi të sheikut Abdullah bin Zayed Al Nahyan nga Emiratet e Bashkuara Arabe, është ankoruar mëngjesin e së hënës në portin e Durrësit.

Jahti, i ndërtuar në vitin 2022 dhe me një vlerë prej rreth 450 milionë dollarësh, pritet të furnizohet me 320 mijë litra karburant pa akcizë, një lehtësi që e bën Shqipërinë një pikë ndalese strategjike për jahte luksoze në Mesdhe.

Pas furnizimit, “Opera” do të vazhdojë udhëtimin drejt Dubrovnikut në Kroaci.

Gjatë vitit të kaluar, shteti shqiptar përfitoi mbi 1 miliard lekë nga taksa e karburantit për jahte dhe megajahte, duke e kthyer këtë sektor në një burim të rëndësishëm të ardhurash dhe një mundësi për zhvillimin e turizmit elitar.