Një aksident rrugor ka ndodhur këtë pasdite në zonën e Laprakës në Tiranë, ku janë përfshirë tre automjete: një taksi, një autobus dhe një mjet i Policisë së Shtetit.

Ngjarja ka shkaktuar ndërprerje të përkohshme të qarkullimit në segmentin ku ndodhi përplasja, duke krijuar vështirësi në lëvizjen e automjeteve në zonë.

Sipas të dhënave paraprake, dy persona kanë mbetur të lënduar lehtë si pasojë e përplasjes. Ata kanë marrë ndihmën e parë mjekësore dhe ndodhen jashtë rrezikut për jetën.

Grupi hetimor ndodhet në vendngjarje dhe po punon për zbardhjen e plotë të shkaqeve dhe rrethanave të aksidentit.

Tiranë – Aksident me 6 automjete te “Semafori i Laprakës”

Sipas informacioneve paraprake nga Policia e Shtetit, rreth orës 19:30 të mbrëmjes së sotme ka ndodhur një aksident zinxhir në rrugën “Dritan Hoxha”, në afërsi të “Semaforit të Laprakës”, ku janë përfshirë gjithsej 6 automjete.

Nga përplasja kanë mbetur të lënduar:

E. Gj – drejtues i automjetit të policisë,

E. J – pasagjer në të njëjtin automjet,

A. M – drejtues i një taksie.

Të dëmtuarit janë dërguar në spital dhe ndodhen jashtë rrezikut për jetën.

Aktualisht grupi hetimor ndodhet në vendngjarje dhe po punon për zbardhjen e rrethanave dhe përcaktimin e shkakut të aksidentit.