DURRËS- Një incident është regjistruar ditën e sotme në bulevardin “Epidamn” në Durrës. Mësohet se një palmë është rrëzuar papritur në mes të rrugës, duke rrezikuar kalimtarët dhe drejtuesit e mjeteve që lëviznin në zonë.

Fatmirësisht nuk raportohet për persona të lënduar. Palma bllokoi rrugën dhe për pasojë pati trafik. Forcat e policisë kanë siguruar zonën deri në largimin e palmës nga autoritetet përkatëse. Banorët janë shprehur se incidente të tilla përsëriten shpesh dhe kërkojnë që të kryhet një kontroll më i rreptë dhe i rregullt i gjendjes së pemëve dekorative në rrugët e qytetit.