Një tërmet me magnitudë 6.1 ballë goditi thellësisht brigjet e Filipineve jugore, tha Shërbimi Gjeologjik i Shteteve të Bashkuara.

Nuk pati raportime të menjëhershme për viktima ose dëme nga tërmeti, i cili, sipas Shërbimit Gjeologjik të SHBA-së, ndodhi në një thellësi prej 101 kilometrash (63 milje), rreth 70 kilometra nga zonat më të afërta të provincës Davao Occidental.

“Lëkundja nuk ishte aq e fortë, por tavolinat dhe kompjuterët këtu në zyrë u drodhën për (rreth pesë sekonda)”, tha për AFP Marlawin Fuentes, një shpëtimtar provincial nga ishulli i vogël Sarangani.

Nuk u dha alarm për cunami.

Tërmetet janë një dukuri pothuajse e përditshme në Filipine, e cila ndodhet në “Unazën e Zjarrit” të Paqësorit, një hark me aktivitet të fortë sizmik që shtrihet nga Japonia përmes Azisë Juglindore dhe përgjatë pellgut të Paqësorit.

Shumica janë shumë të dobëta për t’u ndjerë nga njerëzit, por ato të forta dhe shkatërruese vijnë rastësisht pa teknologji të disponueshme për të parashikuar se kur dhe ku mund të godasin.