Prishtinë, 27 qershor 2025 – Kryetari i Nismës Socialdemokrate, Fatmir Limaj, ka konfirmuar pjesëmarrjen në takimin e thirrur nga lideri i Lëvizjes Vetëvendosje, Albin Kurti, i cili do të zhvillohet të shtunën në përpjekje për të tejkaluar krizën politike në vend.

Limaj deklaroi se rruga e vetme për zgjidhjen e situatës është bashkëpunimi ndërmjet forcave politike, duke theksuar se aktgjykimi i fundit i Gjykatës Kushtetuese i ka lënë partive përgjegjësinë për të gjetur një zgjidhje.

"Zgjidhja e situatës është përgjegjësi e partive politike", theksoi ai, duke sinjalizuar gatishmërinë për dialog në funksion të stabilitetit politik.