BBC raporton se ekziston "një kërcënim i besueshëm" ndaj Qendrës së Operacioneve Ajrore të Koalicionit të drejtuar nga SHBA-të në Al-Udaid në Katar.

Edhe Fox News raporton se një sulm i tillë pritet të ndodhë nga çasti në çast.

Katari ka mbyllur përkohësisht hapësirën e tij ajrore dhe raportohet se baza ajrore është në gjendje gatishmërie të lartë.

Kërcënimi besohet se vjen nga një sulm i mundshëm raketor iranian.

Al-Udaid është një bazë masive jashtë kryeqytetit të Katarit, Doha, dhe është selia e Centcom-it të SHBA-së për të gjitha operacionet e saj ajrore në Lindjen e Mesme, ku personeli ushtarak britanik shërben gjithashtu me rotacion.

SHBA ka paralajmëruar më herët Iranin se në rast sulmesh ndaj objektivave amerikane në rajon do të përballej me pasoja të rënda.