Tensionet në Ngushticën e Hormuzit, rrezik me përmasa globale

Një zëdhënës i Ministrisë së Jashtme të Kinës i bëri thirrje të hënën komunitetit ndërkombëtar të intensifikojë përpjekjet për të ulur tensionet në Lindjen e Mesme.

Gjiri Persik dhe ujërat ngjitur me të, janë kalime ndërkombëtare jetike për tregtinë e mallrave dhe energjisë, tha zëdhënësi Guo Jiakun.

Ruajtja e sigurisë dhe e stabilitetit në rajon, është në përputhje me interesat e përbashkëta të bashkësisë ndërkombëtare, tha Guo.

Ai e bëri këtë thirrje në komentet e tij, në përgjigje të raportimeve se parlamenti iranian votoi të dielën në favor të mbylljes së Ngushticës strategjike të Hormuzit, edhe pse vendimi përfundimtar i takon Këshillit Suprem të Sigurisë Kombëtare të Iranit.