Irani ka kaluar dekada duke ndërtuar kapacitete ushtarake me shumë nivele brenda vendit dhe në gjithë rajonin, të cilat ishin të paktën pjesërisht të synuara për të penguar Shtetet e Bashkuara që ta sulmonin. Me përfshirjen në luftën e Izraelit, SHBA-ja mund të ketë hequr arsyen e fundit për t’i mbajtur këto në rezervë.

Një vendim për t’u hakmarrë ndaj SHBA-së dhe aleatëve të saj rajonalë do t’i jepte Iranit një numër shumë më të madh objektivash — dhe shumë më afër sesa Izraeli — duke i lejuar të përdorë potencialisht raketat dhe dronët e tij me më shumë efekt.

SHBA-ja dhe Izraeli kanë kapacitete shumë më të avancuara, por këto nuk kanë rezultuar gjithmonë vendimtare në historinë e fundit të ndërhyrjeve ushtarake të Amerikës në rajon.

Që kur Izraeli nisi luftën më 13 qershor, zyrtarët iranianë — nga udhëheqësi suprem e deri më poshtë — kanë paralajmëruar SHBA-në që të qëndrojë jashtë, duke thënë se kjo do të kishte pasoja të rënda për të gjithë rajonin.

Së shpejti do të bëhet e qartë nëse këto kanë qenë kërcënime boshe apo një parashikim i zymtë. /noa.al me të dhëna nga AP.