Presidenti i Republikës Islamike të Iranit, të dielën në një takim të bordit qeveritar iranian, tha se Amerika është shkaku kryesor i veprimeve armiqësore të Izraelit kundër Iranit.

Masoud Pezeshkian, Presidenti i Iranit, të dielën në një takim të bordit qeveritar iranian, tha se Izraeli nuk është në pozita që të ketë fuqinë dhe guximin për të sulmuar i vetëm Iranin, raporton noa.al duke cituar agjencinë shtetërore të lajmeve të Iranit, Pars Today.

"Edhe pse amerikanët fillimisht u përpoqën ta fshihnin rolin e tyre, pas përgjigjes vendimtare dhe parandaluese të forcave të armatosura iraniane dhe duke vëzhguar pafuqinë e dukshme të regjimit sionist, ata në mënyrë të pashmangshme dolën në skenë", tha ai.